Hoppa yfir valmynd
SérfræðistörfHöfuðborgarsvæðið201901/36Menntamálastofnun

Sérfræðingur á greiningarsviði


Sérfræðingur á greiningarsviði Menntamálastofnunar 

Menntamálastofnun leitar að jákvæðum, metnaðarfullum og sjálfstæðum sérfræðing með yfirgripsmikla þekkingu sem nýtist við öflun gagna, úrvinnslu og greiningar á íslensku menntakerfi. 

Hlutverk sérfræðingsins er að vinna að öflun, greiningu og miðlun gagna um íslenskt menntakerfi með sérstakri áherslu á starfsmenntun. Í því felst m.a. umsjón með  ReFerNet á Íslandi, evrópsku upplýsinganeti um starfsmenntun og þátttaka í öðrum alþjóðlegum samstarfsverkefnum.  Einnig mun sérfræðingurinn taka þátt í mótun greininga á stöðu og þróun menntunar á Íslandi og uppbyggingu mælaborðs fyrir menntamál. 

Um er að ræða 100% starf og laun eru greidd samkvæmt samningum fjármála- og efnahagsráðuneytisins og viðkomandi stéttarfélags. Gert er ráð fyrir að viðkomandi geti hafið störf sem fyrst.

Menntunar- og hæfnikröfur:
Háskólamenntun sem nýtist í starfi
Góð þekking á meðferð gagna og tölfræðilegri greiningu
Þekking og reynsla af alþjóðlegum samstarfsverkefnum
Þekking á íslensku menntakerfi og starfsmenntamálum
Reynsla af verkefnastjórnun og teymisvinnu
Mjög góð færni í miðlun upplýsinga í mæltu og rituðu máli bæði á íslensku og ensku 
Góð tækni- og tölvukunnátta
Skipulögð vinnubrögð, frumkvæði og góðir samskiptahæfileikar

Starfið felur í sér mikil samskipti við aðila bæði innan og utan stofnunarinnar og starfsmaður þarf að vera reiðubúinn til að sinna öðrum þeim störfum sem kunna að þarfnast úrlausnar hjá stofnuninni.

Umsókn um starfið skal fylgja skrá yfir menntun og starfsferil, kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið ásamt upplýsingum um umsagnaraðila. Umsóknir gilda í sex mánuði frá því umsóknarfrestur rennur út. Karlar jafnt sem konur eru hvött til að sækja um starfið. 

Umsókn sendist á [email protected] merkt: Sérfræðingur á greiningarsviði. Öllum umsóknum verður svarað.  

Nánari upplýsingar veitir Kolfinna Jóhannesdóttir sviðsstjóri greiningarsviðs,  í síma 514-7500, netfang: [email protected]

Umsóknafrestur er til og með 28. janúar 2019.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira