Hoppa yfir valmynd
SérfræðistörfHöfuðborgarsvæðið201901/26Menntamálastofnun

Sérfræðingur í læsi og prófagerð

Sérfræðingur í læsi og prófagerð

Menntamálastofnun leitar að jákvæðum, metnaðarfullum og sjálfstæðum starfsmanni með mikla þekkingu og áhuga á læsi og prófagerð.
Hlutverk sérfræðings í læsi og prófagerð er að vinna að framgangi markmiða stofnunarinnar og Þjóðarsáttmála um læsi ásamt gerð samræmdra könnunarprófa í íslensku. Meðal verkefna eru ráðgjöf og stuðningur við skóla vegna læsis og lestrarnáms, gerð stöðu- og skimunarprófa, samning samræmdra könnunarprófa í íslensku og úrvinnsla, meðferð, miðlun og greining gagna.

Um er að ræða 100% starf og laun eru greidd samkvæmt kjarasamningum fjármálaráðuneytisins og viðkomandi stéttarfélags. Æskilegt er að viðkomandi geti hafið störf sem fyrst. 

Menntunar- og hæfnikröfur
- Háskólamenntun sem nýtist í starfi, til dæmis á sviði lestrarfræða, kennslu, íslensku eða prófagerðar.
- Þekking og reynsla af grunnskólastarfi t.d. lestrarkennslu og íslensku.
- Frammúrskarandi hæfni í íslensku.
- Þekking og reynsla af prófagerð.
- Færni í miðlun upplýsinga í mæltu og rituðu máli.
- Góð almenn tölvukunnátta.
- Færni í að vinna í teymum og að fjölbreyttum verkefnum.
- Skipulögð vinnubrögð, sjálfstæði og frumkvæði, góðir samskiptahæfileikar og þjónustulund. 

Starfið felur í sér mikil samskipti við aðila bæði innan og utan stofnunarinnar og starfsmaður þarf að vera reiðubúinn til að sinna öðrum þeim störfum sem kunna að þarfnast úrlausnar hjá stofnuninni.

Umsókn um starfið skal fylgja skrá yfir menntun og starfsferil, kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið ásamt upplýsingum um umsagnaraðila. Karlar jafnt sem konur eru hvattir til að sækja um starfið. 

Umsókn sendist á [email protected] merkt: Sérfræðingur í læsi og prófagerð. Öllum umsóknum verður svarað. Umsóknir gilda í sex mánuði frá því að umsóknarfrestur rennur út.

Nánari upplýsingar um starfið veitir Sverrir Óskarsson, sviðsstjóri, í s. 514-7500, netfang: [email protected]

Umsóknarfrestur er til og með 28. janúar 2019.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira