Hoppa yfir valmynd
TæknistörfHöfuðborgarsvæðið201901/35Menntamálastofnun

Starfsmaður í tækniteymi


Starfsmaður í tækniteymi Menntamálastofnunar 

Menntamálastofnun leitar að jákvæðum, metnaðarfullum og sjálfstæðum starfsmanni í tækniteymi stofnunarinnar með þekkingu og áhuga á hugbúnaðarmálum, öryggisvörnum, net- og vefkerfum og skýjalausnum.

Hlutverk hugbúnaðarsérfræðings er að stýra hugbúnaðargerð Menntamálastofnunar og hafa umsjón með verkefnastjórnun hugbúnaðarverkefna og viðhaldi á kerfum stofnunarinnar, s.s. heimasíðu, Skólagátt, Menntabrunni og námsgagnavefjum. Hugbúnaðarsérfræðingur sér um að nauðsynlegum verklagsreglum og vinnulýsingum sé komið upp, þær innleiddar og þeim viðhaldið. Hann heldur utan um greiningu gagna um hugbúnaðarkerfi Menntamálastofnunar, er ábyrgur fyrir upplýsingaflæði um virkni kerfanna og að efla vitund og þjálfun starfsmanna um þau.

Um er að ræða 100% starf og laun eru greidd samkvæmt samningum fjármála- og efnahagsráðuneytisins og viðkomandi stéttarfélags. Gert er ráð fyrir að viðkomandi geti hafið störf sem fyrst.

Menntunar- og hæfnikröfur:
Menntun sem nýtist í starfi
Yfirgripsmikil þekking og reynsla af verkefnastjórnun forritunarverkefna (Agile, Scrum o.s.frv.)
Þekking á forritun og viðhaldi vefja
Þekking á stýrikerfum, vefþjónum, gagnagrunnum og öðrum hugbúnaðarkerfum
Geta til að setja sig inn í ný tölvukerfi á skjótan hátt
Hæfni til að vinna eftir gæðastöðlum og setja upp verklagsreglur og vinnulýsingar
Góð íslensku og enskukunnátta
Skipulögð vinnubrögð, frumkvæði, góðir samskiptahæfileikar og þjónustulund

Starfið felur í sér mikil samskipti við aðila bæði innan og utan stofnunarinnar og starfsmaður þarf að vera reiðubúinn til að sinna öðrum þeim störfum sem kunna að þarfnast úrlausnar hjá stofnuninni.

Umsókn um starfið skal fylgja skrá yfir menntun og starfsferil, kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið ásamt upplýsingum um umsagnaraðila. Umsóknir gilda í sex mánuði frá því umsóknarfrestur rennur út. Karlar jafnt sem konur eru hvött til að sækja um starfið. 

Umsókn sendist á [email protected] merkt: Starfsmaður í tækniteymi. Öllum umsóknum verður svarað.  

Nánari upplýsingar veitir Sveinbjörn Yngvi Gestsson sviðsstjóri þjónustusviðs,  í síma 514-7500, netfang: [email protected]

Umsóknarfrestur er til og með 31. janúar 2019.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira