Hoppa yfir valmynd
Höfuðborgarsvæðið201901/60Skipulagsstofnun

Sérfræðingur á sviði umhverfismats

Sérfræðingur á sviði umhverfismats

Starfið er á sviði umhverfismats sem er eitt fjögurra fagsviða á Skipulagsstofnun. Meðal helstu verkefna þess er mat á umhverfisáhrifum framkvæmda og umhverfismat áætlana.   
Laun eru samkvæmt kjarasamningi ríkisins og hlutaðeigandi stéttarfélags.
 
Starfssvið
· Vinna að ákvörðunum og umsögnum stofnunarinnar um mat á umhverfisáhrifum framkvæmda og umhverfismat áætlana.
· Ráðgjöf og samskipti við framkvæmdaraðila, forsvarsaðila áætlanagerðar, ráðgjafa og almenning.
· Þátttaka í öðrum verkefnum, svo sem kynningar- og leiðbeiningarstarfi, þróun verklags og stefnumótun.
 
Menntunar- og hæfniskröfur
· Meistaragráða á sviði umhverfismats, svo sem sérmenntun í umhverfismati, umhverfisfræði, skipulagsfræði eða verkfræði.
· Þekking eða reynsla sem nýtist í starfi er æskileg, svo sem við umhverfismat  opinbera stjórnsýslu.
· Hæfni til að hagnýta þekkingu og reynslu í ólíkum verkefnum og metnaður til að ná árangri.
· Áhugi á að takast á við fjölbreytt verkefni og geta til að leysa verk á eigin spýtur og í samstarfi við aðra.
· Frumkvæði og færni í mannlegum samskiptum.
· Gott vald á íslensku í ræðu og riti.
· Nákvæmni og ögun í vinnubrögðum.
 
Umsóknarfrestur er til og með 28. janúar n.k. 
 
Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Nánari upplýsingar veita Auður Bjarnadóttir ([email protected]) og Þóra Lind Sigurðardóttir ([email protected]) hjá Capacent.

Sækja skal um starfið á vef Capacent www.capacent.is

Skipulagsstofnun sinnir stefnumótun, stjórnsýslu og leiðbeiningum um skipulag og framkvæmdir með sjálfbæra nýtingu auðlinda og vandaða byggð að leiðarljósi.

Stofnunin vinnur í víðtæku samráði við sveitarfélög, önnur stjórnvöld og hagsmunaaðila.

Skipulagsstofnun starfar á grundvelli skipulagslaga, laga um skipulag haf- og strandsvæða, laga um mat á umhverfisáhrifum og laga um umhverfismat áætlana og heyrir undir umhverfis- og auðlindaráðuneytið.

Hjá stofnuninni ríkir góður starfsandi og í boði er góð starfsaðstaða.

Nánari upplýsingar má finna á www.skipulag.is

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira