Hoppa yfir valmynd
HeilbrigðisþjónustaHöfuðborgarsvæðið201901/40Landspítali

Hjúkrunarfræðingur - útskriftardeild Landakoti

Hjúkrunarfræðingur - Skemmtilegt starf á útskriftardeild Landakoti

Við sækjumst eftir hjúkrunarfræðingi sem hefur ánægju af samstarfi við aldraða. Ef þú ert lífsglaður og metnaðarfullur hjúkrunarfræðingur þá viljum við fá þig í vinnu. Í boði er skemmtilegt starf fyrir þann sem vill taka þátt í hvetjandi starfi þar sem stefnan er að útskrifa skjólstæðinga heim innan mánaðar endurhæfingar. Á deildinni starfa um 30 manns í þverfaglegu teymi. Góður starfsandi er ríkjandi og tækifæri eru til að vaxa í starfi. 

Góð aðlögun og möguleiki á sveigjanlegum vinnutíma. Við tökum vel á móti nýjum starfsmönnum og veitum góða aðlögun. Velkomið að kíkja í heimsókn, áhugasamir hafið samband við Helgu Atladóttur, deildarstjóra.

Helstu verkefni og ábyrgð
» Ákveður, skipuleggur og veitir hjúkrunarmeðferð í samráði við skjólstæðing og ber ábyrgð á meðferð
» Skipuleggur og veitir fræðslu til sjúklinga og aðstandenda
» Þátttaka í teymisvinnu

Hæfnikröfur
» Faglegur metnaður og ábyrgð í starfi
» Jákvætt viðmót og góð samskiptahæfni
» Áhugi á hjúkrun aldraðra
» Íslenskt hjúkrunarleyfi
» Íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Vinnutími og starfshlutfall er samkomulag. Starfið er laust nú þegar eða eftir nánara samkomulagi.
Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 70 - 100%
Umsóknarfrestur er til og með 28.01.2019

Nánari upplýsingar veitir
Helga Atladóttir - [email protected] - 824 5103
Katrín Edda Snjólaugsdóttir - [email protected] - 5439450

LSH Útskriftardeild aldraðra
Túngötu 26
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira