Hoppa yfir valmynd
TæknistörfHöfuðborgarsvæðið201901/43Landspítali

Verkstjóri rafmagnsverkstæðis í Fossvogi

Verkstjóri rafmagnsverkstæðis í Fossvogi

Rekstrarsvið Landspítala auglýsir laust til umsóknar fullt starf verkstjóra á rafmagnsverkstæði í Fossvogi, viðhaldsdeild Landspítala. Á viðhaldsdeild starfa um 40 starfsmenn sem sinna viðhaldi alls húsnæðis Landspítala auk þess að vinna að margs konar stærri breytingaverkefnum. 

Verkefni verkstjóra á rafmagnsverkstæðis í Fossvogi eru fjölbreytt og gefandi og oft unnin við aðstæður sem markast af þeirri þjónustu sem Landspítali veitir. Starfið er laust nú þegar eða eftir nánara samkomulagi.

Helstu verkefni og ábyrgð
» Verkstjórn við almennt viðhald rafkerfa og tæknibúnaðar í Fossvogi
» Umsjón með viðhald á rafkerfum og raftækjum í húsnæði Landspítala
» Stýring verkefna á framkvæmdastigi

Hæfnikröfur
» Sveinspróf í rafvirkjun
» Meistararéttindi kostur
» Reynsla af verkstjórn úr sambærilegu starfsumhverfi er kostur
» Leiðtogahæfni, drifkraftur og framúrskarandi samskiptahæfni 
» Sjálfstæði og fagleg vinnubrögð
» Góð tölvukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra rafvirkja hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 28.01.2019

Nánari upplýsingar veitir
Kristján H Theodórsson - [email protected] - 543 1556
Viktor Ellertsson - [email protected] - 543 1517

LSH Rafmagnsverkstæði H
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira