Hoppa yfir valmynd
SérfræðistörfSuðurland201901/278Vegagerðin

Aðstoðarmaður á tæknideild

Laust er starf aðstoðarmanns á Tæknideild Vegagerðarinnar á Suðursvæði með starfsstöð á Selfossi. Um 100% starf er að ræða, við ýmsa stjórnsýslu, skipulagsmál, kortavinnu, undirbúning útboða og framkvæmda og tilfallandi skrifstofustörf.

Tæknideild Suðursvæðis hefur m.a. umsjón með undirbúningi verka og aflar frumgagna, sinnir eftirliti og gerir áætlanir fyrir hin ýmsu verk. Umdæmi deildarinnar er Reykjanes- og Höfuðborgarsvæðið allt að Hvalfjarðarbotni, stór hluti hálendisins og Suðurlandsundirlendið allt austur að Gígjukvísl.

Ábyrgð og verkefni:

  • Afgreiðsla og eftirfylgni erinda vegna héraðs- og styrkvega.
  • Leyfisaflanir vegna framkvæmda.
  • Móttaka og afgreiðsla erinda um skipulagsmál í samráði við aðra og samskipti við sveitarfélög.
  • Gerð teikninga og korta vegna nýrra og eldri vega.
  • Gerð kynningargagna fyrir framkvæmdir.
  • Aðstoð við kortavinnu í tengslum við útboðslýsingar.
  • Samráð við hagsmunaaðila við undirbúning framkvæmda.
  • Undirbúningur svæðisfunda og eftirfylgni mála.
  • Tilfallandi skrifstofustörf og móttaka viðskiptavina.

Menntunar- og hæfniskröfur:

  • Háskólamenntun eða önnur sambærileg menntun sem nýtist í starfi, en umsækjendur með menntun á sviði tækniteiknunar og reynslu í þá veru koma einnig til greina.
  • Reynsla og kunnátta í notkun teiknikerfa (e.Cad)
  • Reynsla af ámóta störfum er kostur.
  • Góð tölvukunnátta
  • Frumkvæði og hæfni til að vinna sjálfstætt sem og í hóp
  • Framúrskarandi samskiptafærni
  • Góð kunnátta í talaðri og ritaðri íslensku og ensku

Vegagerðin er eftirsóknarverður vinnustaður sem hentar jafnt báðum kynjum.    

Laun eru greidd samkvæmt kjarasamningi ríkisins og viðkomandi stéttarfélags og umsóknarfrestur er til og með 18. febrúar 2019.

Nánari upplýsingar um starfið veitir Svanur G Bjarnason svæðisstjóri Suðursvæðis í síma 522-1310, og Erlingur Jensson deildarstjóri Tæknideildar í síma 522-1330.

Umsókn skal fylgja ítarleg ferilskrá og kynningarbréf þar sem fram kemur rökstuðningur um hæfi til að gegna umræddu starfi. Umsóknir berist Vegagerðinni á netfangið [email protected] Öllum umsóknum verður svarað þegar ákvörðun um ráðningu hefur verið tekin.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira