Hoppa yfir valmynd
HeilbrigðisþjónustaHöfuðborgarsvæðið201901/255Heilsugæslan Glæsibæ

Hjúkrunarfræðingur

Heilsugæslan Glæsibæ auglýsir eftir hjúkrunarfræðingi í tímabundið starf til eins árs við heilsugæsluhjúkrun. Um er að ræða 80-100% starf. Viðkomandi þarf að geta hafið störf sem fyrst eða skv. nánara samkomulagi.

Heilsugæslunni er ætlað að veita íbúum almenna, samfellda og aðgengilega heilbrigðisþjónustu. Starfsemi heilsugæslunnar er í örri framþróun þar sem áhersla er lögð á náið samstarf fagstétta og teymisvinnu.

Á Heilsugæslunni Glæsibæ starfa læknar, hjúkrunarfræðingar, ljósmæður, sálfræðingur, hreyfistjóri og ritarar. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð

Megin starfssvið er ung- og smábarnavernd og hjúkrunarmóttaka.

Hjúkrunarfræðingar í ung-og smábarnavernd sinna fjölskyldum nýfæddra barna og fylgast með heilsu og þroska þeirra til 6 ára aldurs með það að markmiði að efla heilsu, vellíðan og þroska ungra barna.

Hjúkrunarmóttakan sinnir fólki á öllum aldri þar sem er tekið á móti bráðaerindum, í bókaðri móttöku er tekið á móti erindum s.s. ferðamannaheilsuvernd og sárameðferð. Einnig er boðið upp á lífsstíls- og sykursýkisráðgjöf.

Hæfnikröfur

- Íslenskt hjúkrunarleyfi
- Reynsla af starfi í heilsugæslu, æskileg
- Sjálfstæði í starfi
- Framúrskarandi samskiptahæfni
- Faglegur metnaður
- Reynsla af og áhugi á teymisvinnu
- Góð íslenskukunnátta, skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Stéttarfélag er Félag íslenskra hjúkrunarfræðinga.

Umsókn skal fylgja ítarleg náms- og starfsferilsskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. Umsókn getur gilt í 6 mánuði.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs- og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%
Umsóknarfrestur er til og með 25.02.2019

Nánari upplýsingar veitir

Guðríður Anna Eyjólfsdóttir - [email protected] - 513-5700
Halldór Jónsson - [email protected] - 513-5700

Heilsugæsla höfuðborgarsvæðisins
Glæsibæ hjúkrun
Álfheimum 74
104 Reykjavík

Sækja um starf

Starfssvið: Sérfræðingar á heilbrigðissviði

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira