Hoppa yfir valmynd
SumarstörfHöfuðborgarsvæðið201901/285Heilsugæsla höfuðborgarsvæðisins

Félagsliði - sumarafleysing í heimahjúkrun

Félagsliði óskast í sumarafleysingar frá 1.júní eða eftir nánara samkomulagi. Starfshlutfall er 80% eða eftir frekara samkomulagi. Um er að ræða starf við heimahjúkrun á dag-, kvöld- og helgarvöktum. Heimahjúkrun Heilsugæslu höfuðborgarsvæðisins sinnir heimahjúkrun í Kópavogi, Garðabæ og Hafnarfirði og er með aðsetur að Hlíðarsmára 17.

Hlutverk heimahjúkrunar er að veita einstaklingsmiðaða hjúkrun þar sem forvarnir, heilsuvernd, heilsuefling, fagleg þekking og samstarf er höfð að leiðarljósi. Einstaklingshæfð heimahjúkrun er sérsniðin að þörfum hvers og eins.

Helstu verkefni og ábyrgð

Starfið er mjög fjölbreytt og gefandi. Félagsliði aðstoðar við umönnun ásamt því að vera félagslegur stuðningur við skjólstæðinga. Hann vinnur náið í teymi ásamt hjúkrunarfræðingi og sjúkraliðum og er teymið leitt af teymisstjóra. Félagsliði mun hafa bifreið til afnota á vinnutíma.

Hæfnikröfur

- Menntaður félagsliði
- Sjálfstæði í starfi
- Mikil samskiptahæfni og rík þjónustulund
- Gilt ökuleyfi
- Hreint sakavottorð
- Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu liggur fyrir. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði.

Starfshlutfall er 80 - 100%
Umsóknarfrestur er til og með 28.02.2019

Nánari upplýsingar veitir

Sigrún Kristín Barkardóttir - [email protected] - 513-6900
Hildur Sigurjónsdóttir - [email protected] - 513-6900

Heilsugæsla höfuðborgarsvæðisins
Heimahjúkrun á Suðursvæði, annað
Hlíðasmára 17
201 Kópavogur

Sækja um starf

Starfssvið: Sérfræðingar á heilbrigðissviði

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira