Hoppa yfir valmynd
SkrifstofustörfHöfuðborgarsvæðið201902/311Háskóli Íslands

Deildarstjóri launadeildar

Deildarstjóri launadeildar Háskóla Íslands

Starfið var auglýst 10. janúar sl. en er nú auglýst aftur með framlengdum umsóknarfresti.

Háskóli Íslands auglýsir laust til umsóknar starf deildarstjóra launadeildar. Við leitum að kraftmiklum og áhugasömum stjórnanda.

Launadeild Háskóla Íslands ber ábyrgð á launavinnslu allra starfsmanna Háskóla Íslands í nánu samstarfi við stjórnendur miðlægrar stjórnsýslu og fræðasviða Háskóla Íslands. Launadeild veitir upplýsingar og þjónustu til starfsmanna og stjórnenda um laun og önnur kjarasamningbundin réttindi, auk þess að annast samskipti við ytri hagsmunaaðila sem málaflokknum tengjast, s.s. lífeyrissjóði og aðrar stofnanir. Í deildinni starfa sex starfsmenn auk deildarstjóra.

Helstu verkefni og ábyrgð
Deildarstjóri launadeildar ber ábyrgð á stjórnun og daglegum rekstri launadeildar. Hann setur deildinni markmið um gæði, öryggi og góða þjónustu og tryggir að þjónusta launadeildar sé áreiðanleg, örugg og traust. 

Deildarstjóri mótar verklag deildarinnar í takt við þróun á þeim vinnslukerfum sem eru notuð hverju sinni og tekur virkan þátt í þróun og notkun Oracle, starfsmanna- og launakerfi ríkisins. Deildarstjóri tekur þátt í teymisvinnu við hin ýmsu svið skólans í tengslum við þau málefni sem falla undir starfssviðið. 

Hæfnikröfur
>> Háskólapróf er nýtist í starfi 
>> Leiðtogahæfni, jákvætt viðmót og samskiptahæfni
>> Frumkvæði og metnaður í starfi
>> Þekking og reynsla af launavinnslu æskileg
>> Góð tungumálakunnátta í ræðu og riti
>> Góð tölvukunnátta og þekking á helstu tölvuforrit, s.s. excel
>> Þekking á kjarasamningsumhverfi ríkisins er kostur
>> Þekking á Oracle, starfsmanna- og launakerfi ríkisins, er kostur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Um er að ræða fullt starf og er æskilegt að viðkomandi geti hafið störf sem fyrst.

Umsókn fylgi ferliskrá, upplýsingar um nám og fyrri störf, staðfest afrit af prófskírteinum ásamt kynningarbréfi með rökstuðningi fyrir hæfni og sýn umsækjanda á starfið. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningar í störf við Háskóla Íslands er tekið mið af jafnréttisáætlun skólans, sjá hér: https://www.hi.is/node/303261#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Starfshlutfall er 100%
Umsóknarfrestur er til og með 25.02.2019

Nánari upplýsingar veitir
Jenný Bára Jensdóttir - [email protected] - 525 4094

Háskóli Íslands
Launadeild
v/Suðurgötu
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira