Hoppa yfir valmynd
Kennsla og rannsóknirHöfuðborgarsvæðið201902/310Háskóli Íslands

Lektor í ljósmóðurfræði – Heilbrigðisvísindasvið

Lektor í ljósmóðurfræði – Heilbrigðisvísindasvið – Háskóli Íslands – Reykjavík

Laust er til umsóknar 50% starf lektors í ljósmóðurfræði með áherslu á ljósmæðraþjónustu utan stofnana og rannsóknaraðferðir í ljósmóðurfræði við Hjúkrunarfræðideild Háskóla Íslands.

Ljósmóðurfræði er fræðilegt og klínískt nám með fjögur megin áherslusvið; meðgönguvernd, kyn- og kvenheilbrigði, fæðingarhjálp og sængurlegu. Vaxandi áhersla er á mismunandi þjónustuform innan heilbrigðisþjónustunnar fyrir barnshafandi konur innan og utan stofnana. Rannsóknir innan ljósmóðurfræði hafa haft áhrif á þá þróun og gæði þeirrar þjónustu sem veitt er. Leitað er að öflugum einstaklingi til að taka þátt í innleiðingu á nýrri námsskrá í ljósmóðurfræði með áherslu á mismunandi þjónustuform og rannsóknaraðferðir í ljósmóðurfræði, stuðla að uppbyggingu framhaldsnáms og stunda rannsóknir innan fræðasviðsins. 

Menntunar- og hæfniskröfur:
Doktorspróf á sviði ljósmóðurfræði.
Rannsóknavirkni á fræðasviðinu, sjálfstæði og frumkvæði í rannsóknum.
Reynsla af háskólakennslu, fræðilegri og klínískri. 
Reynsla af leiðbeiningu til æðri háskólagráðu er æskileg.
Stjórnunarreynsla.
Reynsla af klínísku starfi og tenging við klínískan starfsvettvang. 
Reynsla af öflun styrkja til rannsóknarstarfa er æskileg. 
Góð samstarfshæfni, lipurð í mannlegum samskiptum ásamt góðri færni í að miðla eigin þekkingu.

Við ráðningu verður miðað við, að sá er starfið hlýtur falli sem best að aðstæðum og þörfum Námsbrautar í ljósmóðurfræði við Hjúkrunarfræðideild.

Æskilegt er að viðkomandi hefji störf eigi síðar en 1. september 2019, enda verði störfum nefndar sem um málið fjalla þá lokið.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Laun eru samkvæmt kjarasamningi Félags háskólakennara og fjármálaráðherra.

Nánari upplýsingar um starfið veitir Herdís Sveinsdóttir, forseti Hjúkrunarfræðideildar ([email protected]).

Umsóknarfrestur er til og með 11. mars 2019.

Sótt er um starfið á vefsíðu Háskóla Íslands undir laus störf. 

Umsækjendur skulu láta fylgja með umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísindasviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira