Hjúkrunarfræðingur á legudeild - sumarafleysing
Heilbrigðisstofnun Vestfjarða (HVEST) á Ísafirði óskar að ráða hjúkrunarfræðinga til sumarafleysinga frá 1. júní 2019, eða eftir nánara samkomulagi. Um er að ræða almenn störf hjúkrunarfræðings á blandaðri akút legudeild. Deildin sinnir auk þess sængurkonum og nýburum utan dagvinnu ljósmóður, annast göngudeild fyrir krabbameinslyfjagjafir og aðrar sérhæfðar lyfjagjafir og aðstoðar við slysamóttöku á slysadeild utan dagvinnu.
Menntunarkröfur eru íslenskt hjúkrunarleyfi.
Umsækjandi hafi góða hæfni í mannlegum samskiptum og sýni sjálfstæði í starfi.
Umsóknarfrestur er til 1. mars 2019.
Laun eru skv. gildandi kjarasamningum fjármálaráðherra og Félags íslenskra hjúkrunarfræðinga og stofnanasamningi HVEST og FÍH.
Upplýsingar veitir Rannveig Björnsdóttir, deildarstjóri, í s: 450 4500 og netf. [email protected].
Vinsamlegast sendið umsóknir rafrænt á [email protected] eða á Heilbrigðisstofnun Vestfjarða, b.t. deildarstjóra Bráðadeildar, Torfnesi, 400 Ísafirði.
Umsóknareyðublað er að finna á vefnum www.hvest.is undir „Laus Störf“
Öllum umsóknum verður svarað þegar ráðning hefur verið ákveðin.