Hoppa yfir valmynd
HeilbrigðisþjónustaHöfuðborgarsvæðið201902/301Landspítali

Aðstoðardeildarstjóri - Vöknun Hringbraut

Aðstoðardeildarstjóri - Vöknun Hringbraut

Við leitum eftir metnaðarfullum og framfarasinnuðum hjúkrunarfræðingi með afburða samskiptahæfni í starf aðstoðardeildarstjóra á vöknun við Hringbraut. Starfið er laust skv. samkomulagi og veitist tímabundið til 2ja ára. Unnið er í vaktavinnu en gert er ráð fyrir að aðstoðardeildarstjóri sé a.m.k. 60% í dagvinnu. 

Á vöknun er sjúklingum sinnt eftir skurðaðgerðir, einnig leggjast þar inn sjúklingar eftir ýmsar aðrar meðferðir og rannsóknir sem þarfnast svæfingar eða deyfingar. 
Deildin tilheyrir gjörgæsludeildinni við Hringbraut en þar starfar 90 manna hópur hjúkrunarfræðinga, sjúkraliða, skrifstofumanna auk sérhæfðra starfsmanna og felur starfið í sér mikla teymisvinnu þar sem unnið er í góðu samstarfi við fjölmarga fagmenn spítalans.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð
Aðstoðardeildarstjóri á vöknun starfar í nánu samstarfi við deildarstjóra og aðra aðstoðardeildarstjóra, skipuleggur starfsemi deildarinnar í samráði við þá og ber ábyrgð á rekstri og mönnun deildarinnar í fjarveru þeirra

» Sérstök ábyrgð á tileknum verkefnum sem viðkomandi er falið
» Er leiðandi í umbótastarfi og framþróun hjúkrunar á deildinni

Hæfnikröfur
» Íslenskt hjúkrunarleyfi
» Starfsreynsla á gjörgæsludeild eða vöknunardeild
» Sérnám í gjörgæsluhjúkrun er kostur en ekki skilyrði
» Afburða lipurð, sveigjanleiki og hæfni í mannlegum samskiptum
» Áhugi á verkefnastjórnun, umbóta- og gæðastarfi
» Leiðtogahæfni og áhugi á stjórnun

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Viðtöl verða höfð við umsækjendur og byggist ákvörðun um ráðningu í starfið einnig á þeim. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 90 - 100%
Umsóknarfrestur er til og með 25.02.2019

Nánari upplýsingar veitir
Árni Már Haraldsson - [email protected] - 824 9577

Landspítali
Gjörgæsla H
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira