Hoppa yfir valmynd
HeilbrigðisþjónustaHöfuðborgarsvæðið201902/340Landspítali

Sérfræðilæknir í svæfinga- og gjörgæslulækningum

Sérfræðilæknir í svæfinga- og gjörgæslulækningum

Laus eru til umsóknar tvö störf sérfræðilækna í svæfinga- og gjörgæslulækningum á Landspítala. Starfsvettvangur innan spítalans verður að mestu við svæfingadeild í Fossvogi. Starfshlutfall er 100% og veitast störfin frá 1. maí 2019 eða eftir nánara samkomulagi. Starfið er dagvinnustarf með vaktavinnu.

Í Fossvogi fer fram fjölbreytt starfsemi. Þar eru 8 skurðstofur þar sem fram fara heila- og tauga, háls-, nef- og eyrna, æða-, lýta- og bæklunarskurðaðgerðir. Árlega gerðar þar um 5.400 aðgerðir og eru tæplega helmingur allra aðgerða á börnum framkvæmdar í Fossvogi. Auk þessa koma sérfræðingar í svæfingalækningum að inngripum á æðaþræðingu, segulómun sem og aðkomu að bráðveikum og slösuðum sjúklingum á bráðamóttöku Landspítala. Á gjörgæsludeildinni eru 6 legupláss og þar er veitt almenn gjörgæslumeðferð og er sérhæfing í samræmi við skiptingu sérgreina á milli húsa. 

Við svæfinga- og gjörgæslulækningar í Fossvogi starfa núna 15 sérfræðilæknar, þar af eru læknar sem stunda undirsérgreinanám á vegum SSAI. Vinnuandinn einkennist af samvinnu, lipurð, stuðningi, metnaði og góðum liðsanda. Unnið er í öflugu þverfaglegu teymi og í nánu samstarfi við aðrar fagstéttir spítalans.

Helstu verkefni og ábyrgð
» Sérfræðilæknisstörf í samráði við yfirlækna sérgreinarinnar, s.s. vinna á skurðstofum, gjörgæslu, við svæfingar á útstöðvum sjúkrahússins, innskrift, bráðameðferð og meðhöndlun bráðra og langvinnra verkja
» Þátttaka í bakvöktum og bundnum staðarvöktum samkvæmt vaktafyrirkomulagi sérgreinarinnar
» Þátttaka í kennslu og vísindavinnu í samráði við yfirlækna og prófessor

Hæfnikröfur
» Íslenskt sérfræðileyfi í svæfinga- og gjörgæslulækningum
» Frekari viðbótarnám í svæfinga- og gjörgæslulækningum er kostur 
» Vilji til frekari sérhæfingar í samráði við yfirlækna deildarinnar
» Jákvæðni, sveigjanleiki og lipurð í samskiptum
» Reynsla í kennslu og vísindavinnu er æskileg en ekki skilyrði
» Góð íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Öllum umsóknum verður svarað. Tekið er mið af jafnréttisstefnu LSH við ráðningar á spítalanum. Öllum umsóknum verður svarað.

Umsókn fylgi vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað. Mat stöðunefndar læknaráðs Landspítala byggist á innsendum umsóknargögnum. Viðtöl verða við umsækjendur og ákvörðun um ráðningu í starfið byggir einnig á þeim.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og senda sem viðhengi, en ítarlegri upplýsingar fyllist út í umsókn fyrir læknastöðu, sjá slóð hér fyrir neðan:

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 04.03.2019

Nánari upplýsingar veitir
Ólöf Viktorsdóttir - [email protected] - 825 3817

Landspítali
Svæfinga- og gjörgæslulækningar F
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira