Hoppa yfir valmynd
HeilbrigðisþjónustaHöfuðborgarsvæðið201902/341Landspítali

Skurðhjúkrunarfræðingur - Skurðstofur Hringbraut

Skurðhjúkrunarfræðingur - Skurðstofur Hringbraut

Skurðhjúkrunarfræðingur óskast til starfa á skurðstofur við Hringbraut. Starfið er laust frá 1. júlí 2019 eða eftir nánari samkomulagi. Í boði er áhugavert starf með góðu samstarfsfólki þar sem unnið er í dagvinnu/vaktavinnu auk bakvakta samkvæmt vaktskipulagi deildar eftir að þjálfun lýkur. Til greina kemur að ráða hjúkrunarfræðing sem hefur áhuga á námi í skurðhjúkrun einnig eru nýútskrifaðir hjúkrunarfræðingar velkomnir.

Á deildinni eru 13 skurðstofur sem þjóna 7 sérgreinum og árlega eru framkvæmdar þar um 10 þúsund aðgerðir. Á deildinni starfa um 90 manns, hjúkrunarfræðingar, sjúkraliðar, sótthreinsitæknar, skrifstofumenn og sérhæfðir starfsmenn við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi. 
Í boði er einstaklingsaðlöguð þjálfun eftir þörfum hvers og eins á skemmtilegum vinnustað.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð
» Einstaklingshæfð hjúkrun við undirbúning, framkvæmd og skil í skurðaðgerðum samkvæmt skipulagi deildar
» Ákveður, skráir og veitir hjúkrunarmeðferð í samráði við þarfir skjólstæðinga og ber ábyrgð á meðferð, samkvæmt starfslýsingu og vinnureglum deildar

Hæfnikröfur
» Íslenskt hjúkrunarleyfi
» Sérnám í skurðhjúkrun eða hjúkrunarfræðingur sem hyggur á nám í skurðhjúkrun
» Faglegur metnaður
» Góð samskiptahæfni og lipurð í mannlegum samskiptum
» Sjálfstæði í vinnubrögðum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 25.02.2019

Nánari upplýsingar veitir
Helga Guðrún Hallgrímsdóttir - [email protected] - 824 0760

Landspítali
Skurðstofur H - rekstur
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira