Hoppa yfir valmynd
SérfræðistörfHöfuðborgarsvæðið201902/415Kærunefnd útlendingamála

Lögfræðingar

Umsóknarfrestur hefur verið framlengdur til 1. apríl nk.

Kærunefnd útlendingamála er að leita að einum til tveimur drífandi lögfræðingum. Um fullt starf er að ræða. Æskilegt er að viðkomandi geti hafið störf sem fyrst.

Kærunefnd útlendingamála úrskurðar í málum sem til hennar eru kærð á grundvelli laga um útlendinga nr. 80/2016. Langstærsti málaflokkur nefndarinnar varðar umsóknir um alþjóðlega vernd en nefndin úrskurðar einnig í dvalarleyfismálum og málum tengdum brottvísunum. Kærunefnd útlendingamála er metnaðarfullur vinnustaður með öflugt teymi starfsmanna sem náð hefur verulegum árangri við að stytta málsmeðferðartíma umsókna um alþjóðlega vernd og bæta verkferla.

Helstu verkefni og ábyrgð:

Starfið felst m.a. í að vinna með nefndinni við undirbúning og ritun úrskurða.

Menntunar- og hæfniskröfur:

  • Fullnaðarnám í lögfræði með embættis- eða meistaraprófi
  • Þekking á löggjöf um dvalarleyfi útlendinga og/eða á flóttamannarétti æskileg
  • Reynsla af úrskurðarvinnu innan stjórnsýslunnar æskileg
  • Mjög gott vald á íslensku, sérstaklega hvað varðar framsetningu lögfræðilegrar röksemdafærslu
  • Góð þekking á ensku. Þekking á einu norðurlandamáli æskileg
  • Frumkvæði, drifkraftur og jákvæðni
  • Framúrskarandi hæfni í mannlegum samskiptum

Frekari upplýsingar um starfið

Umsóknarfrestur er til 1. apríl nk.

Umsækjendur skulu láta fylgja með umsókn sinni, ferilskrá, og kynningarbréf þar sem fram kemur rökstuðningur fyrir hæfni viðkomandi til að sinna starfinu. Umsóknum skal skila á rafrænu formi til [email protected] Ef ekki eru tök á að sækja um rafrænt má senda umsókn til kærunefndarinnar að Skúlagötu 17, 101 Reykjavík. Athygli er vakin á því að umsóknir munu gilda í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Laun greiðast samkvæmt gildandi kjarasamningi sem Stéttarfélag lögfræðinga og fjármálaráðherra hafa gert.

Einstaklingar af öllum kynjum eru hvattir til að sækja um auglýst starf.

Nánari upplýsingar

Upplýsingar um nefndina má nálgast á heimasíðu hennar, www.knu.is. Nánari upplýsingar um starfið veita Jóna Aðalheiður Pálmadóttir, yfirlögfræðingur kærunefndar útlendingamála, og Anna Greta Ólafsdóttir, rekstrar- og mannauðsstjóri í síma 510 0510.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira