Hoppa yfir valmynd
SumarstörfSuðurland201902/437Lögreglustjórinn í Vestmannaeyjum

Lögreglumenn, sumarafleysing

Sumarafleysingar lögreglumenn - Vestmannaeyjar

Lögreglustjórinn í Vestmannaeyjum auglýsir eftir lögreglumönnum til afleysinga í sumar 

Stöðurnar veitast frá og með 01.05.2019 og 01.06.2019 til og með 31.08.2019.

Umsóknarfrestur er til 1. apríl næstkomandi og skal umsóknum skilað til Lögreglustjórans í Vestmannaeyjum, Faxastíg 42. hæð, 900 Vestmannaeyjum, sími 444-2095 eða á netfangið [email protected]

Ráðningarkjör eru samkvæmt kjarasamningi fjármálaráðherra f.h. ríkissjóðs og Landssambands lögreglumanna. Starfshlutfall er 100%. Starfið er vaktavinna.

Umsækjendur þurfa að uppfylla almenn skilyrði til að gegna lögreglustarfi skv. 28. gr. lögreglulaga nr. 90/1996.

Umsækjendur skulu hafa lokið prófi frá Lögregluskóla ríkisins en heimild er þó til að ráða ófagmenntað fólk til tímabundinna afleysingastarfa ef ekki sækja um fagmenntaðir einstaklingar. Góð þekking á lögreglukerfinu (LÖKE) er kostur. Færni í mannlegum samskiptum, góðir skipulagshæfileikar, frumkvæði, nákvæmni í vinnubrögðum og hæfni til að starfa í hóp eru nauðsynlegir eiginleikar. Góð staðarþekking er kostur. Æskilegt er að umsækjendur hafi gott vald á íslensku og góða almenna tölvukunnáttu.

Nánari upplýsingar um stöðurnar gefur Jóhannes Ólafsson, yfirlögregluþjónn í síma 444-2093.

Umsóknir, sem berast eftir að umsóknarfresti lýkur verða ekki teknar til greina. Lögreglustjórinn í Vestmannaeyjum setur í stöðurnar. Öllum umsóknum verður svarað þegar ákvörðun um setningar liggur fyrir. Umsókn gildir í 6 mánuði frá lokum umsóknarfrests.

Lögreglustjórinn í Vestmannaeyjum hvetur konur jafnt sem karla til að sækja um auglýstar stöður. 

Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum eyðublöð. 

Vestmannaeyjum
21. febrúar 2019

Lögreglustjórinn í Vestmannaeyjum.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira