Hoppa yfir valmynd
SérfræðistörfNorðurland201902/450Háskólinn á Akureyri

Forseti hug- og félagsvísindasviðs

 
Forseti hug- og félagsvísindasviðs Háskólans á Akureyri

Við Háskólann á Akureyri er laus til umsóknar 
100% staða forseta hug- og félagsvísindasviðs

Staða forseta fræðasviðs er fullt starf og felur meðal annars í sér yfirumsjón með allri starfsemi og rekstri fræðasviðsins og stefnumörkun í málefnum fræðasviðsins í samræmi við stefnu Háskólans á Akureyri. Næsti yfirmaður forseta fræðasviðs er rektor háskólans.
Miðað er við að viðkomandi geti hafið störf 1. ágúst 2019. Starfsstöðin er á Akureyri.

Helstu ábyrgðarþættir forseta fræðasviðs (sjá nánar reglur fyrir Háskólann á Akureyri nr. 387/2009):
Útfærsla og framkvæmd stefnu háskólans á vettvangi fræðasviðs.
Starfsmannamál sviðsins.
Fjármál, rekstur og almenn stjórnsýsla sviðsins.
Yfirumsjón með rannsóknarvirkni og kennslu á sviðinu.
Gæði kennslu, rannsókna og þjónustu á fræðasviðinu í samráði við gæðastjóra.
Yfirumsjón með innlendum og erlendum samskiptum sviðsins.

Forseti fræðasviðs situr í framkvæmdastjórn háskólans.

Menntunar- og hæfniskröfur:
Umsækjendur skulu uppfylla almenn hæfisskilyrði sem háskólakennarar á vettvangi þeirra fræða sem kennd eru á fræðasviðinu og hafa þekkingu og reynslu af háskóla- og/eða rannsóknastarfi.
Góð samstarfshæfni og framúrskarandi hæfni í mannlegum samskiptum eru skilyrði.
Reynsla af rekstri, stjórnun og stefnumótun er skilyrði.
Áhugi á stjórnendahlutverkinu er nauðsynlegur sem og metnaður til að leggja sig fram í slíku hlutverki.
Hæfileiki til að móta og miðla framtíðarsýn og byggja upp og leiða teymi akademískra starfsmanna eru skilyrði.
Doktorspróf er skilyrði, æskilegt er að prófið sé á vettvangi viðkomandi fræðasviðs.
Góð tök á íslensku og ensku í töluðu og rituðu máli.

Til greina kemur að forseti fræðasviðs komi að kennslu og rannsóknum innan fræðasviðsins sem hluta af starfi sínu.

Umsóknarfrestur er til og með 1. apríl 2019. Ekki er notað staðlað umsóknareyðublað. Umsóknir og fylgigögn skal senda á rafrænu formi á netfangið [email protected].

Helstu fylgigögn með umsókn eru:
Greinargerð umsækjanda um helstu áherslur í starfi forseta fræðasviðsins og sýn umsækjanda á hvernig viðkomandi muni móta fræðasviðið til framtíðar (hámarkslengd þrjár síður).
Náms- og starfsferilskrá.
Staðfest afrit af prófskírteinum.
Umsagnir um kennslu- og stjórnunarstörf umsækjenda eftir því sem við á.
Ritaskrá ásamt skýrslu um vísindastörf og þær fræðilegu ritsmíðar sem umsækjandi telur vera sín bestu verk (allt að fimm ritum).

Ef umsækjandi er meðhöfundur að innsendu verki skal hann gera grein fyrir sínu framlagi til verksins.

Ráðið er í starfið til fjögurra ára í senn í samræmi við reglur nr. 387/2009 fyrir Háskólann á Akureyri. Forseti fræðasviðs er ráðinn af rektor í kjölfar álits dómnefndar um hæfi umsækjenda samkvæmt reglum nr. 258/2016 um störf dómnefndar og ráðningar akademískra starfsmanna við Háskólann á Akureyri. Jafnframt er notast við sjálfstætt mat fagaðila til að meta stjórnunar- og samskiptahæfileika ásamt stjórnunarreynslu viðkomandi. Einnig er litið til umsagnar hug- og félagsvísindasviðs. Við ráðningu verður miðað við að sá er starfið hlýtur falli sem best að aðstæðum og þörfum fræðasviðsins og Háskólans á Akureyri.

Laun eru samkvæmt kjarasamningi Félags háskólakennara á Akureyri og fjármálaráðherra.

Upplýsingar um hug- og félagsvísindasvið er að finna á vef háskólans á slóðinni:
http://www.unak.is/hugogfelagsvisindasvid.

Nánari upplýsingar um starfið veitir Eyjólfur Guðmundsson rektor Háskólans á Akureyri. Fyrirspurnir skal senda á netfangið [email protected].

Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar tekin hefur verið ákvörðun um ráðningu í starfið. Ófullnægjandi umsóknir verða ekki teknar til greina.

Háskólinn á Akureyri stuðlar að jafnrétti kynjanna og hvetur karla jafnt sem konur til að sækja um laus störf.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira