Hoppa yfir valmynd
HeilbrigðisþjónustaVesturland201902/464Heilbrigðisstofnun Vesturlands

Sérnámsstaða í heimilislækningum - Borgarnes

Sérnámsstaða í Heimilislækningum

Laus er til umsóknar sérnámsstaða í heimilislækningum hjá Heilbrigðisstofnun Vesturlands, Borgarnesi. Námsstaðan veitist frá 15. ágúst 2019 eða eftir nánari samkomulagi. Upptökusvæði heilsugæslustöðvarinnar í Borgarnesi er víðfeðmt og nær yfir 5500 ferkílómetra svæði, þar eru u.þ.b 4000 íbúar auk tveggja háskóla með nemendagörðum og ríflega 2000 sumarbústaða. 

Helstu verkefni og ábyrgð
Á Heilsugæslustöðinni í Borgarnesi fer fram fjölbreytt starfsemi en auk almennrar heilsugæsluþjónustu eins og móttöku, ungbarnaverndar, skólaheilsugæslu og mæðraverndar er þar teymisvinna í kring um vaktþjónustu að deginum, sykursýkismóttöku og lífstílsmóttöku. Vaktþjónusta er á stöðinni eftir dagvinnu sem sérnámslæknir tekur þátt í eftir nánara samkomulagi

Hæfnikröfur
Almennt lækningaleyfi. Lögð er áhersla á faglegan metnað, jákvæðni og sveigjanleika. Lipurð og áreiðanleiki í samskiptum eru skilyrði Góðrar íslensku kunnáttu er krafist.
Áskilinn er réttur til að hafna umsóknum frá einstaklingum sem ekki teljast uppfylla framangreind skilyrði. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt staðfestu afriti af opinberu starfsleyfi. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast til yfirlæknis heilsugæslustöðvarinnar í Borgarnesi. Öllum umsóknum verður svarað þegar ákvörðun um ráðningu hefur verið tekin.
Borgarnes er góður staður til að búa á, stutt í mikla náttúrufegurð, mannlíf gott og starfsandi á stöðinni góður. 
Einnig er verið að auglýsa eftir lækni í sérnámsstöðu HVE Akranesi.

Starfshlutfall er 100%
Umsóknarfrestur er til og með 29.03.2019

Nánari upplýsingar veitir
Linda Kristjánsdóttir - [email protected] - 432-1430
Jóhannes Bergsveinsson - [email protected] - 432-1000

Heilbrigðisstofnun Vesturlands
Borgarnes Heilsugæsla Lækningar
Borgarbraut 65
310 Borgarnes


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira