Hoppa yfir valmynd
HeilbrigðisþjónustaHöfuðborgarsvæðið201902/460Landspítali

Hjúkrunardeildarstjóri á gjörgæsludeild

Hjúkrunardeildarstjóri á gjörgæsludeild Landspítala Fossvogi

Við óskum eftir kraftmiklum stjórnanda til að leiða og efla starfsemi gjörgæsludeildar Landspítala í Fossvogi. Hjúkrunardeildarstjóri er yfirmaður hjúkrunar á deildinni, stjórnar daglegum rekstri og er leiðandi um hjúkrunarfræðileg málefni deildarinnar. 
Á deildinni eru 10 gjörgæslurými og vöknun. Deildin þjónar öllu landinu og er þar veitt almenn og sérhæfð gjörgæslumeðferð. Deildin sinnir m.a. sjúklingum eftir alvarleg slys og bruna og eftir bæklunar-, heila- og æðaaðgerðir. Á deildinni starfa um 90 starfsmenn, þar á meðal hjúkrunarfræðingar, sjúkraliðar, sérhæfðir starfsmenn og skrifstofumenn.

Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Næsti yfirmaður er framkvæmdastjóri aðgerðasviðs. Starfshlutfall er 100% og veitist starfið frá 1. júní 2019 eða eftir samkomulagi. Ráðið er í starfið til 5 ára, sbr. 9.gr. laga nr. 40/2007 og stefnu Landspítala í ráðningum yfirmanna.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð
» Stjórnun hjúkrunar á deildinni 
» Stuðla að þekkingarþróun í hjúkrun með því að hvetja til rannsókna og nýta rannsóknarniðurstöður
» Ábyrgð á gæða- og öryggismálum deildarinnar í samvinnu við yfirlækni
» Markvisst umbótastarf og þróun verkferla með gæði og öryggi að leiðarljósi
» Ábyrgð á ráðningu, móttöku og þjálfun nýrra starfsmanna sem og endur- og símenntun starfsmanna deildarinnar
» Tryggja að rekstur deildarinnar sé í samræmi við fjárhagsáætlun

Hæfnikröfur
» Íslenskt hjúkrunarleyfi
» A.m.k. 5 ára starfsreynsla sem hjúkrunarfræðingur
» Framhaldsnám í gjörgæsluhjúkrun er æskilegt
» Þekking og áhugi á stjórnun, reynsla af stjórnun er æskileg
» Leiðtogahæfni, jákvætt viðmót og afburða hæfni í mannlegum samskiptum er skilyrði
» Frumkvæði og metnaður til að ná árangri 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Umsókn skulu fylgja vottfestar upplýsingar um nám, fyrri störf, kennslu og vísindavinnu auk þess sem umsækjendur eru beðnir um að skila sem viðhengi 1-2 bls. kynningarbréfi með rökstuðningi fyrir hæfni og sýn á starfið. 

Umsóknir verða sendar til stöðunefndar hjúkrunarráðs Landspítala. Viðtöl verða höfð við umsækjendur og byggist ákvörðun um ráðningu í starfið á þeim ekki síður en innsendum gögnum. Öllum umsóknum verður svarað. 

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 25.03.2019

Nánari upplýsingar veitir
Vigdís Hallgrímsdóttir - [email protected] - 825 3502
Elfa Hrönn Guðmundsdóttir - [email protected] - 691 7823

Landspítali
Skrifstofa aðgerðasviðs
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira