Hoppa yfir valmynd
HeilbrigðisþjónustaHöfuðborgarsvæðið201902/458Landspítali

Sérfræðilæknir í lungnalækningum

Sérfræðilæknir í lungnalækningum

Laust er til umsóknar starf sérfræðilæknis í lungnalækningum. Starfshlutfall er 100% og veitist starfið veitist frá 1. júní 2019 eða eftir samkomulagi. 

Metnaðarfullt teymi lækna starfar við lungnalækningar og sinnir fjölbreyttum verkefnum í nánum samstarfi við aðrar fagstéttir.

Helstu verkefni og ábyrgð
» Þjónusta við sjúklinga á legudeild, gjörgæslu og dagdeild.
» Göngudeildir: Af sérhæfðum viðfangsefnum göngudeilda má nefna greiningu lungnakrabbameina, lungnaígræðslur, erfiðan astma, lungnatrefjun og lungnaháþrýsting
» Inngrip: Berkjuspeglanir, berkjuómspeglanir, brjóstholsástungur og áreynslupróf
» Ráðgjöf í lungnasjúkdómum
» Þátttaka í vaktþjónustu lungnalækna
» Þátttaka í kennslu læknanema, kandídata og deildarlækna
» Þátttaka í rannsóknarstarfi
» Þátttaka í viðfangsefnum almennra lyflækninga í samráði við yfirlækni lungnalækninga 

Hæfnikröfur
» Íslenskt sérfræðileyfi í lungnalækningum
» Breið þekking og reynsla í almennum lyflækningum og lungnalækningum
» Reynsla af kennslu og rannsóknum
» Jákvæðni, sveigjanleiki og lipurð í samskiptum 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu LSH við ráðningar á spítalanum.

Umsókn skulu fylgja vottfestar upplýsingar um nám, fyrri störf og reynslu af kennslu-, vísinda- og stjórnunarstörfum, ásamt afriti af helstu ritsmíðum sem umsækjandi hefur ritað eða átt þátt í. 
Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar á almenna umsókn og senda sem viðhengi, en ítarlegri upplýsingar í umsókn fyrir læknisstöðu, sjá slóð hér fyrir neðan.

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 25.03.2019

Nánari upplýsingar veitir
Sif Hansdóttir - [email protected] - 825 9489

Landspítali
Lungnalækningar
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira