Hoppa yfir valmynd
SérfræðistörfNorðurland201903/551Íbúðalánasjóður

Deildarstjóri þjónustuvers / bakvinnslu á Sauðárkróki

Deildarstjóri þjónustuvers / bakvinnslu á Sauðárkróki

Við leitum nú að öflugum og metnaðarfullum einstaklingi í starf deildarstjóra á húsnæðisbótasviði hjá Íbúðalánasjóði á Sauðárkróki. Húsnæðisbótasvið sér um húsnæðisstuðning hins opinbera hvað varðar veitingu húsnæðisbóta og ber ábyrgð á framkvæmd og útgreiðslu þeirra. Sviðið ber einnig ábyrgð á þjónustuveri s.s. símsvörun og þjónustu við viðskiptavini. Sviðið varslar og viðheldur skuldabréfasafni sjóðsins og annast bakvinnslu fyrir sjóðinn. 

Helstu verkefni og ábyrgð
Dagleg stjórnun þjónustuvers og bakvinnslu í samræmi við stefnu og hlutverk Íbúðalánasjóðs
Dagleg umsjón með verkefnaáætlun og árangursmælingum
Þátttaka í þróunar-, umbóta- og átaksverkefnum húsnæðisbótasviðs
Tryggir að verklagi og verkferlum sé fylgt í starfi deildarinnar
Umsjón með þróun og viðhaldi verkferla, verklags og upplýsingakerfa 
Samstarf við aðrar deildir sjóðsins s.s. við vinnslu upplýsinga og skýrslugerð

Hæfnikröfur
Háskólamenntun á sviði viðskiptafræði, hagfræði eða önnur sambærileg menntun sem nýtist í starfi
Reynsla af hönnun og þróun verkferla
Þekking og hæfni til að nýta upplýsingakerfi og gæðakerfi sem starfinu tengjast
Greiningarhæfni og gott vald á úrvinnslu og framsetningu upplýsinga
Stjórnunarhæfni, færni í mannlegum samskiptum og hæfileikar til samstarfs
Nákvæmni í vinnubrögðum, góðir skipulagshæfileikar og rík þjónustulund

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Kjarafélag viðskipta- og hagfræðinga hafa gert.
Hlutverk Íbúðalánasjóðs er að stuðla að stöðugleika á húsnæðismarkaði og tryggja almenningi aðgengi að viðunandi húsnæði á viðráðanlegu verði, hvort sem er til eignar eða leigu. Íbúðalánasjóður annast stjórn og framkvæmd húsnæðismála á Íslandi og er ráðgefandi fyrir stjórnvöld.

Umsóknum skal fylgja starfsferilsskrá og kynningarbréf. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfinu.

Íbúðalánasjóður hefur hlotið jafnlaunavottun og hvetur karla jafnt sem konur til að sækja um starfið. 

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út. 

Æskilegt er að viðkomandi geti hafið störf sem fyrst.

Starfshlutfall er 100%
Umsóknarfrestur er til og með 27.03.2019

Nánari upplýsingar veitir
Aldís Hilmarsdóttir - [email protected] - 5696900

Íbúðalánasjóður
Húsnæðisbótasvið
Ártorgi 1
550 Sauðárkrókur


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira