Hoppa yfir valmynd
HeilbrigðisþjónustaHöfuðborgarsvæðið201903/542Heilsugæsla höfuðborgarsvæðisins

Hjúkrunarfræðingur tímabundin afleysing - Heilsugæslan Sólvangi

Hjúkrunarfræðingur tímabundin afleysing

Heilsugæslan Sólvangi auglýsir eftir hjúkrunarfræðingi í tímabundið starf til eins árs við heilsugæsluhjúkrun. Um er að ræða 90% starf. Viðkomandi þarf að geta hafið störf 1.júní eða eftir nánara samkomulagi.

Helstu verkefni og ábyrgð
Starfssviðið er heilsugæsluhjúkrun með megináherslu á skólaheilsugæslu en möguleg aðkoma að öðrum þáttum heilsugæslunnar eins og almennri móttöku á heilsugæslustöð og ungbarnavernd. 

Skólahjúkrunarfræðingur sinnir reglubundnu heilbrigðiseftirliti nemenda og fræðslu. Auk þess sinnir hann öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni.
Hjúkrunarmóttakan sinnir fólki á öllum aldri og skiptist í opna móttöku, bókaða móttöku og símaráðgjöf. Í opinni móttöku er tekið á móti bráðaerindum, í bókaðri móttöku er tekið á móti erindum sem eru ekki bráð s.s. ferðamannaheilsuvernd og sárameðferð
Í ung- og smábarnavernd er fylgst með heilsu og þroska barna frá fæðingu til fimm ára aldurs. Markmið ung- og smábarnaverndar er að efla heilsu, vellíðan og þroska ungra barna með reglulegum heilsufarsskoðunum ásamt stuðningi og heilbrigðisfræðslu til fjölskyldna þeirra. Áhersla er lögð á stuðning við fjölskylduna.

Hæfnikröfur
- Íslenskt hjúkrunarleyfi
- Reynsla af skóla- og/eða heilsugæsluhjúkrun æskileg
- Mikil samskiptahæfni og sveigjanleiki
- Faglegur metnaður og áhugi á að vinna með börnum
- Sjálfstæði í starfi
- Reynsla af og áhugi á teymisvinnu
- Góð íslensku- og enskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. 

Starfshlutfall er 90%
Umsóknarfrestur er til og með 25.03.2019

Nánari upplýsingar veitir
Heiða Sigríður Davíðsdóttir - [email protected] - 513-6200

Heilsugæsla höfuðborgarsvæðisins
Sólvangi hjúkrun
Sólvangsvegi 2-3
220 Hafnarfjörður


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira