Hoppa yfir valmynd
HeilbrigðisþjónustaHöfuðborgarsvæðið201903/540Heilsugæsla höfuðborgarsvæðisins

Ljósmóðir - Heilsugæslan Seltjarnarnesi og Vesturbæ

Ljósmóðir Heilsugæslan Seltjarnarnesi og Vesturbæ

Ljósmóðir óskast til starfa í við Heilsugæsluna Seltjarnarnesi og Vesturbæ. Um er að ræða 10% ótímabundið starf. Æskilegt er að viðkomandi geti hafið störf 1.apríl eða eftir nánari samkomulagi. Einnig þarf viðkomandi að geta leyst af á tímabilinu 1.júní til 31.ágúst eða eftir nánara samkomulagi. Um er að ræða 100% starf í sumarafleysingu.

Heilsugæslunni er ætlað að veita íbúum almenna, samfellda og aðgengilega heilbrigðisþjónustu. Starfsemi heilsugæslunnar er í örri framþróun þar sem áhersla er lögð á náið samstarf fagstétta og teymisvinnu. 

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð
Starfið felst í verkefnastjórn í mæðravernd og vinnu í ung- og smábarnavernd ásamt hjúkrunarmóttöku. 

Markmið með mæðravernd heilsugæslunnar er m.a. að stuðla að heilbrigði móður og barns, veita stuðning og ráðgjöf, greina áhættuþætti og veita fræðslu um meðgöngu og fæðingu.

Í ung- og smábarnavernd er fylgst með heilsu og þroska barna frá fæðingu til sex ára aldurs. 

Hjúkrunarmóttaka sinnir fólki á öllum aldri þar sem er tekið á móti bráðaerindum í opinni móttöku, í bókaðri móttöku er tekið á móti erindum s.s. ferðamannaheilsuvernd og sárameðferð. Einnig er boðið upp á lífsstíls- og sykursýkisráðgjöf.

Hæfnikröfur
- Íslenskt hjúkrunarleyfi skilyrði
- Starfsleyfi sem ljósmóðir 
- Reynsla af vinnu á fæðingardeild og/eða meðgöngudeild kostur.
- Reynsla sem ljósmóðir á heilsugæslustöð æskileg. 
- Reynsla á vökudeild eða barnaspítala kostur.
- Góð þekking/próf í brjóstagjafaráðgjöf.
- Reynsla við að nota rafræna mæðraskrá kostur 
- Góð færni í mannlegum samskiptum.
- Sjálfstæði í starfi.
- Góð íslenskukunnátta skilyrði.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Stéttarfélag er Félag íslenskra hjúkrunarfræðinga.

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 10%
Umsóknarfrestur er til og með 25.03.2019

Nánari upplýsingar veitir
Emilía Petra Jóhannsdóttir - [email protected] - 513-6100

Heilsugæsla höfuðborgarsvæðisins
Seltjarnarnesi hjúkrun
Suðurströnd
170 Seltjarnarnes


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira