Hoppa yfir valmynd
HeilbrigðisþjónustaNorðurland201903/545Sjúkrahúsið á Akureyri

Sérfræðingur í endurhæfingarlækningum

Sérfræðingur í endurhæfingarlækningum 

Sjúkrahúsið á Akureyri (SAk) óskar eftir að ráða sérfræðing í endurhæfingarlækningum. Læknir með aðra sérfræðimenntun eins og t.d. heimilislækningar, lyflækningar, geðlækningar, öldrunarlækningar eða sem hefur reynslu í eða verulegan áhuga á endurhæfingu kemur einnig til greina. Um er að ræða 100% stöðu sem veitist frá 1. september 2019 eða eftir samkomulagi.

Næsti yfirmaður er forstöðulæknir endurhæfinga- og öldrunarlækninga, Ingvar Þóroddsson. 

Helstu verkefni og ábyrgð
Í starfinu felst dagvinna við endurhæfingarlækningar á Kristnesspítala auk vaktþjónustu á ÖA og Kristnesspítala. Í starfinu felst einnig ráðgjöf við bráðadeildir SAk. 

Starfinu fylgir vaktskylda, þátttaka í kennslu heilbrigðisstétta, þjálfun aðstoðar- og deildarlækna auk tækifæra til rannsóknavinnu.

Hæfnikröfur
Umsækjandi skal hafa fullgild réttindi í endurhæfingarlækningum eða annarri sérgrein læknisfræði sem nýtist í starfinu. Við ráðningu verður lögð áhersla á faglega þekkingu ásamt hæfileikum á sviði samskipta, samvinnu og sjálfstæðra vinnubragða.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsóknum skal skilað rafrænt á vef sjúkrahússins www.sak.is 

Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi. 

Öllum umsóknum verður svarað þegar ákvörðun um ráðningu hefur verið tekin.

Gildi Sjúkrahússins á Akureyri eru: ÖRYGGI SAMVINNA FRAMSÆKNI. 

Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður.

Sjúkrahúsið hefur hlotið alþjóðlega vottun á starfsemi sinni.

Starfshlutfall er 100%
Umsóknarfrestur er til og með 25.03.2019

Nánari upplýsingar veitir
Alice Harpa Björgvinsdóttir - [email protected] - 4630100
Ingvar Þóroddsson - [email protected] - 4630100

Sjúkrahúsið á Akureyri
Endurhæfinga- og öldrunarlækningar
v/Eyrarlandsveg
600 Akureyri


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira