Hoppa yfir valmynd
SérfræðistörfHöfuðborgarsvæðið201903/574Háskóli Íslands

Mannauðsstjóri

Mannauðsstjóri Háskóla Íslands

Mannauðsstjóri leiðir mannauðsmál skólans í heild og vinnur náið með rektor, framkvæmdastjóra sameiginlegrar stjórnsýslu, öðrum æðstu stjórnendum og fræðasviðum skólans. Mannauðsstjóri er sviðsstjóri starfsmannasviðs Háskólans. Starfsmannasvið er ein af miðlægum stoðeiningum Háskóla Íslands og heyrir sviðsstjóri undir framkvæmdastjóra sameiginlegrar stjórnsýslu. 

Helstu verkefni og ábyrgð
>> Innleiðing stefnu skólans í mannauðsmálum og aðkoma að stefnumótun
>> Dagleg stjórnun starfsmannasviðs
>> Fagleg forysta í mannauðsmálum skólans 
>> Virkur stuðningur og ráðgjöf við stjórnendur
>> Kjaramál, launasetning, ráðningar og vinnsla starfsmannamála skv. lögum og reglum
>> Réttindi og skyldur starfsmanna
>> Þróun árangursvísa og áætlanagerð 
>> Fræðsla, innri samskipti og starfsþróun 

Hæfnikröfur
>> Háskólapróf sem nýtist í starfi og meistarapróf í mannauðsstjórnun eða skyldum greinum
>> Yfirgripsmikil reynsla og þekking á mannauðsmálum
>> Afbragðs samstarfshæfni og lipurð í mannlegum samskiptum
>> Leiðtogahæfni, skipulagshæfni og frumkvæði í starfi 
>> Mikil hæfni til að tjá sig í ræðu og riti á íslensku og ensku
>> Fagmennska og metnaður til að móta vinnustað í fremstu röð

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ásamt ferilskrá eru umsækjendur beðnir um að senda inn kynningarbréf með lista yfir mögulega umsagnaraðila. Í kynningarbréfinu skal gera grein fyrir ástæðu umsóknar og hæfni viðkomandi í starfið. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Um fullt starf er að ræða. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn eru í föstu starfi við skólann og til viðbótar eru um 2.200 lausráðnir starfsmenn. Nemendur við skólann eru um 13.000 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. 
 
Starfshlutfall er 100%
Umsóknarfrestur er til og með 01.04.2019

Nánari upplýsingar veitir
Guðmundur Ragnar Jónsson - [email protected] - 525 5202
Steinunn Gestsdóttir - [email protected] - 525 4047

Háskóli Íslands
Starfsmannasvið
v/Suðurgötu
101 Reykjavík


Sækja um starf

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira