Hoppa yfir valmynd
HeilbrigðisþjónustaHöfuðborgarsvæðið201903/509Landspítali

Fjölskyldumeðferðarfræðingur - ráðgjafar- og stuðningsteymi langveikra barna

Fjölskyldumeðferðarfræðingur - Nýtt ráðgjafar- og stuðningsteymi langveikra barna

Laust er til umsóknar starf fjölskyldumeðferðarfræðings í ráðgjafar- og stuðningsteymi langveikra barna á Barnaspítala Hringsins. Starfshlutfall er 50-60%. Fjölskyldumeðferðarfræðingur starfar samkvæmt starfslýsingu en meginhlutverk er að veita ráðgjöf og stuðning til langveikra barna og fjölskyldna þeirra. Ráðið verður í starfið frá 1. maí 2019 eða eftir nánara samkomulagi.

Um er að ræða starf í nýju ráðgjafar- og stuðningsteymi fyrir langveik börn með umfangsmiklar þjónustuþarfir og fjölskyldur þeirra. Teyminu er ætlað að veita faglegan og félagslegan stuðning og utanumhald um upplýsingagjöf varðandi þjónustu við langveik börn.

Helstu verkefni og ábyrgð
» Virk þátttaka í þverfaglegu samstarfi og framþróun teymisins
» Fjölskyldumeðferð og eftirfylgd fjölskyldna langveikra barna
» Markviss stuðningur og meðferð vegna áfalla
» Markvisst samstarf með fjölskyldum og aðstandendum samkvæmt stefnu kvenna- og barnasviðs
» Virk þátttaka í fræðslustarfi

Hæfnikröfur
» Menntun fjölskyldumeðferðarfræðings 
» Önnur háskólamenntun sem nýtist í starfi
» Reynsla af starfi með fjölskyldur langveikra barna
» Reynsla af áfallameðferð er kostur
» Sjálfstæð og skipulögð vinnubrögð
» Hæfni til þessa að vinna í þverfaglegu teymi 
» Afburða samskiptafærni og samstarfshæfileikar
» Áhugi og sveigjanleiki í starfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum, ásamt starfsleyfi (ef við á). Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 60%
Umsóknarfrestur er til og með 25.03.2019

Nánari upplýsingar veitir
Helga Sól Ólafsdóttir - [email protected] - 825 3544
Ingileif Sigfúsdóttir - [email protected] - 824 5862


Landspítali
Göngudeild BH
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira