Hoppa yfir valmynd
HeilbrigðisþjónustaHöfuðborgarsvæðið201903/504Landspítali

Iðjuþjálfi - legudeild barna- og unglingageðdeildar

Iðjuþjálfi - fjölbreytt starf á legudeild barna- og unglingageðdeildar Landspítala

KOMDU OG VERTU MEÐ - FRÁBÆRT STARFSFÓLK

Við leitum að liðsmanni í samhentan hóp iðjuþjálfa á barna- og unglingageðdeild (BUGL) Landspítala. Á BUGL er tekið á móti börnum upp að 18 ára aldri sem eiga við geðheilsuvanda að stríða. Þar er veitt sérhæfð þverfagleg þjónusta sem miðar að þörfum barna og fjölskyldna þeirra. Góð samvinna er við fagaðila í nærumhverfi. Tilvísanir á BUGL koma frá öllu landinu. Iðjuþjálfar á BUGL starfa í almennum teymum göngudeildar, fagteymi legudeildar átröskunarteymi og fyrirburateymi Landspítala. 

Í boði er fjölbreytt og líflegt starf og tækifæri til að öðlast víðtæka þekkingu innan fagsins. Starfshlutfall er samkomulag. Æskilegt að umsækjendur geti hafið störf sem fyrst eða eftir samkomulagi.

Á Landspítala starfa um 45 iðjuþjálfar í þverfaglegu teymi og nánu samstarfi við aðrar fagstéttir. Lögð er rík áhersla á að taka vel á móti nýjum starfsmönnum og veitt er góð aðlögun. Velkomið að kíkja í heimsókn, áhugasamir hafið samband við Sigrúnu Garðarsdóttur, yfiriðjuþjálfa.

Helstu verkefni og ábyrgð
» Ábyrgð á þeirri iðjuþjálfun sem hann veitir og mat á árangri meðferðar
» Skráning og skýrslugerð
» Fræðsla og skipulagning starfa aðstoðarfólks iðjuþjálfa á deild/um
» Fræðsla til sjúklinga og aðstandenda
» Þátttaka í þverfaglegu samstarfi/teymi
» Þátttaka í fagþróun

Hæfnikröfur
» Bs próf í iðjuþjálfun eða sambærilegt próf
» Hæfni í mannlegum samskiptum og jákvætt viðhorf 
» Skipulagshæfni, frumkvæði og sjálfstæði í vinnubrögðum
» Íslenskt starfsleyfi sem iðjuþjálfi 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Sjá nánari upplýsingar um starfstöðvar Iðjuþjálfunar

Starfshlutfall er 75 - 100%
Umsóknarfrestur er til og með 25.03.2019

Nánari upplýsingar veitir
Sigrún Garðarsdóttir - [email protected] - 543 9108/ 825 5072
Auður Hafsteinsdóttir - [email protected] - 825 3582


Landspítali
Iðjuþjálfun
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira