Hoppa yfir valmynd
TæknistörfHöfuðborgarsvæðið201903/513Landspítali

Pípulagningamaður - viðhaldsdeild

Pípulagningamaður - Viðhaldsdeild Landspítala

Landspítali auglýsir laust til umsóknar fullt starf pípulagningamanns á viðhaldsdeild. Leitað er eftir sjálfstæðum einstaklingi sem býr yfir lipurð í mannlegum samskiptum og er með sveinspróf í pípulögnum. 

Á viðhaldsdeild starfa um 40 starfsmenn sem sinna viðhaldi alls húsnæðis Landspítala auk þess að vinna að margs konar stærri breytingaverkefnum. Verkefni pípulagningamanns eru fjölbreytt og gefandi og oft unnin við aðstæður sem markast af þeirri þjónustu sem Landspítali veitir. 

Helstu verkefni og ábyrgð
» Ber ábyrgð á ákveðnum málaflokkum í viðhaldi og rekstri lagnakerfa sjúkrahússins í samráði við verkstjóra
» Sinnir almennu viðhaldi og eftirliti lagnakerfa ásamt breytingum og nýjum lögnum

Hæfnikröfur
» Sveinspróf í pípulögnum
» Drifkraftur og vandvirkni
» Frumkvæði og sjálfstæð vinnubrögð
» Lipurð í mannlegum samskiptum
» Góð tölvukunnátta er kostur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag iðn- og tæknigreina hafa gert.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um.

Starfið er laust nú þegar eða eftir samkomulagi. Umsókn fylgi náms- og starfsferilskrá. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 25.03.2019

Nánari upplýsingar veitir
Valur Sveinbjörnsson - [email protected] - 543 5274
Viktor Ellertsson - [email protected] - 543 1517

Landspítali
Pípulagningaverkstæði H
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira