Hoppa yfir valmynd
HeilbrigðisþjónustaHöfuðborgarsvæðið201903/508Landspítali

Sálfræðingur - Sálfræðiþjónusta á geðsviði

Sálfræðingur - Sálfræðiþjónusta á geðsviði 

Sálfræðiþjónusta Landspítala vill ráða til starfa tvo metnaðarfulla og sjálfstæða sálfræðinga með góða samskiptafærni. Annað starfið felur fyrst og fremst í sér vinnu við greiningar á ADHD og geðröskunum en hluti starfsins felur í sér að veita hugræna atferlismeðferð. Hitt starfið felur í sér greiningar og meðferðarvinnu með fólki sem er að takast á við bráðan og alvarlegan geðvanda. 
Leitað er eftir sálfræðingi sem hefur áhuga á fjölbreyttu starfi í krefjandi þverfaglegu umhverfi. 

Hjá Sálfræðiþjónustunni starfa 75 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið að fjölbreyttum umbótaverkefnum. Margvísleg tækifæri eru til að dýpka þekkingu í greiningu og meðferð algengra geðraskana.

Helstu verkefni og ábyrgð
» Greining alvarlegra geðraskana
» Skammtíma meðferð alvarlegra geðraskana
» Ráðgjöf við starfsmenn á ólíkum deildum LSH
» Þverfagleg teymisvinna
» Önnur störf sem heyra undir starfsemi sálfræðiþjónustu Landspítala

Hæfnikröfur
» Áhugi og góð samskiptahæfni
» Þekking og reynsla af sálfræðilegri greiningu og sálmeinafræði 
» Fyrir annað starfið er reynsla við greiningu ADHD mikill kostur
» Þekking og reynsla af hugrænni atferlismeðferð
» Hæfni til að vinna sjálfstætt og sýna frumkvæði 
» Reynsla af þátttöku í þverfaglegri teymisvinnu heilbrigðisstétta æskileg
» Íslenskt starfsleyfi sálfræðings

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. 

Störfin eru laus nú þegar eða samkvæmt samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 25.03.2019

Nánari upplýsingar veitir
Berglind Guðmundsdóttir - [email protected] - 543 9292

Landspítali
Sálfræðiþjónusta H
Hringbraut

101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira