Hoppa yfir valmynd
HeilbrigðisþjónustaHöfuðborgarsvæðið201903/514Landspítali

Sérfræðilæknir í almennum lyflækningum

Sérfræðilæknir í almennum lyflækningum

ATH framlengdur umsóknarfrestur til 8. apríl

Sérfræðilæknar í almennum lyflækningum óskast í öflugt teymi á nýrri og endurskipulagðri bráðalyflækningadeild í Fossvogi. Í júní 2017 opnaði bráðalyflækningadeildin skv. erlendri fyrirmynd af Medical Assessment Unit.
Deildin skipar öflugt teymi heilbrigðisstarfsmanna sem veita skjóta og vandaða þjónustu við þverfaglega greiningu og meðferð bráðra og langvinnra lyflæknisfræðilegra vandamála. Deildin hefur nú þegar skilað góðum árangri með styttri legutíma og raunhæfum úrlausnum og er það að þakka öflugri teymisvinnu og breyttu verklagi á öllum sviðum.

Fjölbreytt starfsemi heyrir undir almennar lyflækningar á Landspítala. Tvö þverfagleg teymi sinna bráðalyflækningadeildinni A2 og er þriðja teymið (hreyfiteymi) staðsett á bráðamóttöku og sinnir þar uppvinnslu og meðferð sjúklinga sem bíða innlagnar á lyflækningasvið. Undir almennar lyflækningar heyrir jafnframt öflug dagdeildarstarfsemi. Samhliða bráðalyflækingadeildinni er rekin dagdeildareining (Ambulatory Care Unit). 
Auk þess sem rekin er öflug starfsemi á dagdeild almennra lyflækninga á B7 þar sem uppvinnsla og meðferð fer fram. 

Störfin eru laus frá 1. maí 2019 eða eftir samkomulagi. Um fullt starf er að ræða og möguleiki á hlutastarfi í undirsérgrein.

Helstu verkefni og ábyrgð
» Vinna á legudeildum og bráðadagdeild
» Vinna í hreyfiteymi almennra lyflækninga
» Vinna á dagdeild B-7
» Þátttaka í vaktþjónustu almennra lyflækninga
» Þátttaka í kennslu læknanema, kandídata og deildarlækna
» Þátttaka í rannsóknarstarfi
» Þátttaka í uppbyggingu bráðalyflækningadeildar og almennra lyflækninga

Hæfnikröfur
» Breið þekking og reynsla í faginu
» Góðir samskiptahæfileikar
» Góð reynsla og hæfni til að vinna í teymi
» Íslenskt sérfræðileyfi í almennum lyflækningum 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Öllum umsóknum verður svarað. Tekið er mið af jafnréttisstefnu LSH við ráðningar á spítalanum. Um er að ræða 4 stöðugildi.

Umsókn fylgi vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað.
Mat stöðunefndar læknaráðs Landspítala byggist á innsendum umsóknargögnum. Viðtöl verða við umsækjendur og ákvörðun um ráðningu í starfið byggir einnig á þeim.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og senda sem viðhengi, en ýtarlegri upplýsingar í umsókn fyrir læknisstöðu, sjá slóð hér fyrir neðan.

Umsókn um læknisstöðu - umsóknareyðublað Embættis landlæknis

Starfið auglýst 9. mars 2019. Umsóknarfrestur framlengdur til og með 8. apríl 2019. 

Starfshlutfall er 100%
Umsóknarfrestur er til og með 08.04.2019

Nánari upplýsingar veitir
Sigríður Þórdís Valtýsdóttir - [email protected] - 543 5256/ 825 5148

Landspítali
Almennar lyflækningar
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira