Hoppa yfir valmynd
SérfræðistörfHöfuðborgarsvæðið201903/584Háskóli Íslands

Verkefnisstjóri MBA námsins, Félagsvísindasvið Háskóla Íslands

Verkefnisstjóri MBA námsins, Félagsvísindasvið Háskóla Íslands

Laust er til umsóknar hálft starf verkefnisstjóra MBA námsins við Háskóla Íslands. 

Ef þú ert kraftmikill, skipulagður og þjónustumiðaður einstaklingur sem brennur fyrir því að taka þátt í að þróa nýjar leiðir og hefur gaman af samskiptum við fólk úr ólíku umhverfi þá gæti starf verkefnisstjóra MBA námsins verið fyrir þig.

MBA námið við Háskóla Íslands miðast að því að auka færni nemenda í stjórnun og rekstri. Mikil áhersla er lögð á tengsl við atvinnulífið og að hvert námskeið sé bæði framúrskarandi og metnaðarfullt. 

Helstu verkefni og ábyrgð
Starfssvið verkefnisstjórans felst að miklu leyti í samskiptum og þjónustu við MBA nemendur og kennara námsins ásamt skipulagningu viðburða. Auk þess er náin teymisvinna í markaðs-, kynningar- og rekstrarmálum. 

Starfssvið: 
>>Utanumhald og framkvæmd viðburða
>>Töluleg úrvinnsla og samskipti í kringum vinnslu bókhalds
>>Þátttaka í kynningar- og markaðsmálum
>>Umsjón með vefsíðu MBA námsins
>>Náin teymisvinna með kennurum og þjónusta við nemendur 
>>Önnur tilfallandi verkefni vegna MBA námsins

Hæfnikröfur
>>Háskólapróf á sviði félagsvísinda
>>Afbragðs hæfni í mannlegum samskiptum og teymisvinnu
>>Frumkvæði og sjálfstæð vinnubrögð
>>Þekking á samfélagsmiðlum
>>Skipulagshæfni og vandvirkni
>>Gott vald á talaðri og ritaðri íslensku
>>Góð enskukunnátta
>>Góður skilningur á fjármálum og markaðsmálum er kostur
>>Þekking á Indesign er kostur
>>Góð Excel kunnátta er kostur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Upphaf starfs er samkomulagsatriði.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Félagsvísindaviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður við íslenskt samfélag og alþjóðlega fræðasamfélagið.

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands er í hópi 250 bestu háskóla heims samkvæmt matslista Times Higher Education. 

Starfshlutfall er 50%
Umsóknarfrestur er til og með 01.04.2019

Nánari upplýsingar veitir
Svala Guðmundsdóttir - [email protected] - 866 8516

Háskóli Íslands
Félagsvísindasvið stjórnsýsla
Sæmundargötu 4
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira