Hoppa yfir valmynd
HeilbrigðisþjónustaNorðurland201903/622Heilbrigðisstofnun Norðurlands

Sérnám í heilsugæsluhjúkrun

Heilbrigðisstofnun Norðurlands, sérnám í heilsugæsluhjúkrun.

Lausar eru til umsóknar tvær sérnámsstöður hjúkrunarfræðinga í heilsugæsluhjúkrun við Heilbrigðisstofnun Norðurlands (HSN). Hvor sérnámsstaða er 80% og veitist frá 1. ágúst 2019 til eins árs. 

Helstu verkefni og ábyrgð
Sérnám í heilsugæsluhjúkrun er í samstarfi við Háskólann á Akureyri og Heilsugæslu höfuðborgarsvæðisins. Námið samanstendur af fræðilegu námi við Háskólann á Akureyri og klínískri þjálfun á heilsugæslustöðvum HSN undir handleiðslu lærimeistara. Námið er skipulagt til eins árs og lýkur með diplóma gráðu.

Markmið sérnáms:
- Efla hæfni hjúkrunarfræðinga, meðal annars í þverfaglegu samstarfi á heilsugæslustöð. 
- Móta viðhorf og sýn til þjónustu heilsugæslunnar í komandi framtíð.
- Veita nemendum tækifæri til að rýna í og innleiða gagnreynda starfshætti í daglegu starfi undir handleiðslu lærimeistara á heilsugæslustöð. 

Hæfnikröfur
- Almennt hjúkrunarleyfi, BS gráða (lágmarkseinkunn 7,25)
- Viðkomandi sé starfandi á heilsugæslustöð
- Skipulagshæfni og sjálfstæði í starfi
- Hæfni í mannlegum samskiptum er skilyrði

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi. Jafnframt skal leggja fram staðfestar upplýsingar um hjúkrunarmenntun ásamt staðfestu afriti af opinberu starfsleyfi. 
Mat á hæfni umsækjenda byggist á innsendum gögnum og viðtölum við umsækjendur. 

Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu HSN við ráðningu.
Sækja skal um stöðurnar á Starfatorgi eða á Heilbrigðisstofnun Norðurlands www.hsn.is undir laus störf. Gögn sem ekki er hægt að senda rafrænt skulu berast til Guðnýjar Friðriksdóttur, framkvæmdastjóra hjúkrunar, Hafnarstræti 101, 600 Akureyri.

Gildi HSN eru: Fagmennska - Samvinna - Virðing.

Starfshlutfall er 80%
Umsóknarfrestur er til og með 02.04.2019

Nánari upplýsingar veitir
Guðný Friðriksdóttir - [email protected] - 860 7750

Heilbrigðisstofnun Norðurlands
Yfirstjórn
Auðbrekka 4
640 Húsavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira