Hoppa yfir valmynd
HeilbrigðisþjónustaHöfuðborgarsvæðið201903/600Landspítali

Hjúkrunarfræðingur á bráðageðdeild

Hjúkrunarfræðingur á bráðageðdeild 32C 

Starfið auglýst 9. mars 2019. Umsóknarfrestur framlengdur til og með 29. apríl 2019. 

Áhugasamur og metnaðarfullur hjúkrunarfræðingur óskast til starfa frá 15. apríl 2019 eða eftir samkomulagi. Á bráðageðdeild 32C er veitt sérhæfð þjónusta í meðferð og umönnun einstaklinga með bráð geðræn einkenni. Gagnreynd þekking, viðurkenndir verkferlar og hugmyndafræði um geðgjörgæslu eru í fyrirrúmi.

Á deildinni starfa um 50 starfsmenn í þverfaglegu meðferðarteymi. Vinnuandinn einkennist af samvinnu, lipurð, stuðningi, metnaði og góðum liðsanda. Tækifæri til sérhæfingar eru mörg og því spennandi vettvangur fyrir hjúkrunarfræðinga sem hafa áhuga á að dýpka þekkingu sína í geðhjúkrun.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð
» Skipuleggja og forgangsraða störfum sínum með tilliti til þarfa sjúklinga
» Bera ábyrgð á meðferð og öryggisþáttum, samkvæmt starfslýsingu
» Starfa í fjölfaglegum teymum við umönnun og meðferð einstaklinga með bráð geðræn einkenni
» Hvatning, leiðbeiningar og víðtækur stuðningur við nema og ófaglærða starfsmenn
» Þátttaka í umbótastarfi og þróun þjónustu

Hæfnikröfur
» Sveigjanleiki og lipurð í mannlegum samskiptum
» Hæfni til að vinna sjálfstætt og í samvinnu við aðra meðferðaraðila
» Áhugi á hjúkrun fólks með geðræn einkenni
» Áhugi á þvegfaglegu samstarfi og teymisvinnu
» Reynsla af geðhjúkrun er kostur
» Framhaldsnám í geðhjúkrun eða skyldum greinum er kostur
» Góð almenn tölvukunnátta og færni í mæltu og rituðu máli
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 29.04.2019

Nánari upplýsingar veitir
Jóhanna Guðmunda Þórisdóttir - [email protected] - 543 4437/ 825 1507
Guðfinna Betty Hilmarsdóttir - [email protected] - 543 4430/ 824 6022

Landspítali
Bráðageðdeild 32C
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira