Hoppa yfir valmynd
Kennsla og rannsóknirHöfuðborgarsvæðið201903/633Háskóli Íslands

Doktorsnemi við EDDU Rannsóknasetur á Hugvísindasviði

Doktorsnemi við EDDU Rannsóknasetur á Hugvísindasviði Háskóla Íslands

Háskóli Íslands kallar eftir umsóknum um doktorsstyrk við EDDU Rannsóknasetur á Hugvísindasviði. Óskað er eftir umsóknum frá hæfum einstaklingum sem hafa lifandi áhuga á að vinna doktorsverkefni tengt rannsóknaverkefninu "Lýðræðisleg stjórnarskrárgerð: Tekist á um borgaraþátttöku, vald stofnana og sameiginleg gæði "("Democratic Constitutional Design: Negotiating Civic Engagement, Institutional Control and the Common Good") sem styrkt er af Rannsóknasjóði (RANNÍS). Doktorsstyrkurinn er til þriggja ára og hefst tímabilið ekki seinna en 1. september 2019.

Helstu verkefni og ábyrgð
Í verkefninu er leitast við að rannsaka þá lærdóma sem draga má af íslenska stjórnarskrárferlinu 2009-2013. Fjallað er um vinnu Stjórnalagaráðs, sem afhenti Alþingi drög að nýrri stjórnarskrá árrið 2011, og sömuleiðis um tilraunir til að vinna að heildarendurskoðun stjórnarskrárinnar á árunum 2018 til 2025. 

Fræðilegar forsendur þessarar endurskoðunar eru teknar til rækilegrar skoðunar. Stjórnlagaráðið vakti alþjóðlega athygli með tilraun sinni til að skrifa nýja stjórnarskrá með þátttöku almennings. Þó að tilraun þess hafi mistekist þar sem umfjöllun um tillögu þess var hætt á Alþingi og aldrei voru greidd um hana atkvæði, var stuðningur almennings við ráðið ótvíræður auk þess sem það hefur orðið innblástur við endurskoðun stjórnarskrár í öðrum löndum þar sem reynt hefur verið að virkja almenning til þátttöku.

Verkefnið sameinar þannig nákvæma rannsókn á vinnu Stjórnlagaráðs og umræðu um þær kenningar á sviði rökræðulýðræðis og þekkingarmiðaðs lýðræðis sem lágu að baki þessari vinnu auk þess sem Stjórnlagaráð hefur haft áhrif á kenningarnar sjálfar. Reynslan sem orðið hefur til við vinnu Stjórnlagaráðs er nýtt til að fylgjast með og fjalla um yfirstandandi tilraunir til að hefja endurskoðun stjórnarskrár á nýjan leik með aðkomu almennings.

Jón Ólafsson, prófessor í menningarfræði, Valur Ingimundarson prófessor í sagnfræði, Stefanía Óskarsdóttir prófessor í stjórnmálafræði og Björg Thorarensen prófessor í lögfræði við Háskóla Íslands stýra verkefninu.
Doktorsnemanum er ætlað að starfa að markmiðum verkefnisins ásamt rannsóknateyminu við Háskóla Íslands. Verkefni doktorsnemans fela m.a. í sér að sækja fundi rannsóknateymisins, vinna að birtingu niðurstaðna rannsóknarinnar, flytja erindi á viðeigandi vísindaráðstefnum og fundum og aðstoða við daglegan rekstur verkefnisins.

Hæfnikröfur
Verkefnið er þverfaglegt. Umsækjendur geta haft menntun á sviði heimspeki, stjórnmálafræði, sagnfræði, lögfræði, menningarfræði eða skyldra greina.

Umsækjendur skulu hafa lokið MA-prófi í námsgrein sinni með fyrstu einkunn. Ætlast er til að umsækjendur geti sýnt fram á góða enskukunnáttu í bæði rituðu og töluðu máli. Íslenskukunnátta er æskileg. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Doktorsneminn innritast í doktorsnám í við Sagnfræði- og menningardeild, Stjórnmálafræðideild, Lagadeild eða Íslensku- og menningardeild við Háskóla Íslands eftir því úr hvaða grein doktorsneminn kemur. Umsækjandinn sem verður fyrir valinu sækir, í samráði við væntanlegan leiðbeinanda, um inntöku í doktorsnám í viðeigandi grein við Háskóla Íslands áður en formleg ákvörðun um styrkveitingu er tekin. Tekið er við umsóknum utan hefðbundins umsóknartímabils doktorsnáms og umsækjandanum verður leiðbeint í gegnum ferlið.

Umsókn skulu fylgja
Ferilskrá (CV)
Yfirlýsing um áform (1-2 síður) 
Staðfestingar á prófgráðum (BA- og MA-gráður)
Tvö meðmælabréf

Öllum umsóknum verður svarað og allir umsækjendur verða látnir vita þegar ákvörðun liggur fyrir. Umsóknir geta gilt í allt að 6 mánuði frá lokum umsóknarfrests.

Við ráðningu í störf við Háskóla Íslands er tekið mið af jafnréttisáætlun skólans, sjá hér: https://www.hi.is/haskolinn/jafnrettisaaetlun#markmid2
Vakin er athygli á málstefnu skólans Háskóla Íslands, sjá hér: https://www.hi.is/haskolinn/malstefna_haskola_islands

Starfshlutfall er 100%
Umsóknarfrestur er til og með 02.05.2019

Nánari upplýsingar veitir
Eiríkur Smári Sigurðarson - [email protected] - 525 5136

Háskóli Íslands
Edda öndvegissetur
Sæmundargötu 4
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira