Hoppa yfir valmynd
Kennsla og rannsóknirHöfuðborgarsvæðið201903/732Háskóli Íslands

Lektor í blaða- og fréttamennsku

Lektor í blaða- og fréttamennsku - Háskóli Íslands – Félagsvísindasvið - Stjórnmálafræðideild

Stjórnmálafræðideild Háskóla Íslands auglýsir laust til umsóknar fullt starf lektors í blaða- og fréttamennsku. 
Lektornum er ætlað að sinna kennslu og rannsóknum á sviði blaða- og fréttamennsku með áherslu á tengsl fjölmiðla, stjórnmála og lýðræðis. 

Menntunar- og hæfniskröfur
Doktorspróf í blaða- og fréttamennsku eða af sambærilegu fræðasviði.
Reynsla af kennslu á háskólastigi. Lögð er áhersla á frumkvæði í kennslu og fjölbreytta kennsluhætti.
Virkni og hæfni í rannsóknum í blaða- og fréttamennsku eða skyldum sviðum.  
Þekking á íslenskum fjölmiðlum og reynsla af fjölmiðlastörfum.
Hæfni í mannlegum samskiptum, áreiðanleiki, frumkvæði og sjálfstæði í vinnubrögðum ásamt góðri hæfni til að miðla þekkingu.

Við ráðningu verður horft til þess að umsækjendur falli sem best að aðstæðum og þörfum Stjórnmálafræðideildar og Félagsvísindasviðs. 
Ráðið verður í starfið til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.  Miðað er við að ráðið verði í starfið frá 1. júlí 2019, þó ekki fyrr en lokið er störfum þeirra nefnda sem um ráðninguna fjalla. 

Nánari upplýsingar veitir Maximilian Conrad, deildarforseti Stjórnmálafræðideildar á netfanginu [email protected] eða í 525-5451.

Umsóknir
Umsóknarfrestur er til og með 29. apríl 2019.  
Sótt er um starfið á vefsíðu Háskóla Íslands undir laus störf

Umsækjendur skulu láta eftirfarandi gögn fylgja umsókn sinni:
1) Kynningarbréf þar sem m.a. kemur fram hvernig umsækjandi uppfyllir hæfnikröfur
2) Vottorð um námsferil sinn
3) Akademíska ferilskrá (Curriculum Vitae)
4) Ritaskrá
5) Skýrslu um vísindastörf og önnur störf sem þeir hafa unnið
6) Greinargerð um rannsóknar- og kennsluáform ef til ráðningar kemur
7) Upplýsingar um þrjá mögulega umsagnaraðila sem hafa má samband við. 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín eftir því sem við á. 

Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 6, 101 Reykjavík. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009. Samkvæmt reglum Háskóla Íslands nr. 569/2009, 38. gr. er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að 6 mánuði frá lokum umsóknarfrests. 

Laun verða samkvæmt kjarasamningi Félags háskólakennara (fh.hi.is) og Fjármálaráðuneytis.

Við ráðningu í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Á Félagsvísindaviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er mikil áhersla á fjölbreytta miðlun þekkingar, öflugar samræður við íslenskt samfélag og alþjóðlega fræðasamfélagið.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira