Hoppa yfir valmynd
SkrifstofustörfHöfuðborgarsvæðið201903/730Háskóli Íslands

Verkefnisstjóri við Menntavísindastofnun

Verkefnisstjóri við Menntavísindastofnun Háskóla Íslands

Umsóknarfrestur hefur verið framlengdur til 6. maí

Laust er til umsóknar fullt starf verkefnisstjóra við Menntavísindastofnun Háskóla Íslands. Stofnunin er hluti af Menntavísindasviði Háskóla Íslands.
Verkefnisstjórinn veitir fjölþætta ráðgjöf og stuðning við rannsakendur. Verkefnisstjórinn heldur utan um að tekur þátt í rannsóknum með áherslu á eigindlega aðferðafræði. Jafnframt hefur verkefnisstjórinn umsjón með útgáfu tímarita Menntavísindasviðs og ráðsefnum sem Menntavísindastofnun kemur að. 

Helstu verkefni og ábyrgð
>> Ráðgjöf og stuðningur við rannsakendur Menntavísindasviðs.
>> Vinna við rannsóknir sem byggja á eigindlegri aðferðafræði.
>> Að halda utan um og styðja við útgáfu tímarita Menntavísindasviðs.
>> Að skipuleggja og halda utan um ráðstefnur sem Menntavísindastofnun og/eða Menntavísindasvið kemur að. 
>> Að vinna að uppbyggingu rannsókna, m.a. með það fyrir augum að tengja saman ólíkar fræðigreinar og starfsvettvang.
>> Teymisvinna innan Menntavísindastofnunar og öðru starfsfólki Menntavísindasviðs. 

Hæfnikröfur
Umsækjendur skulu hafa lokið meistaraprófi. Reynsla af rannsóknarstörfum, hönnun spurningarlista, umræðuramma og stjórnun umræðuhópa er nauðsynleg. Jafnframt er mikilvægt að umsækjendur hafi reynslu af túlkun og framsetningu niðurstaðna eigindlegra rannsókna. Reynsla af utanumhaldi og skipulagningu ráðstefna er mikilvæg ásamt reynslu af útgáfustörfum. Þekking á ATLAS.it og Qultrics er kostur. Þekking á starfsemi Háskólans er kostur. Mjög góð íslensku- og enskukunnátta, bæði í töluðu og rituðu máli er skilyrði. Góð tölvukunnátta er skilyrði, þ.m.t. þekking á og færni í forritum eins og Excel- og Word og rafrænni skjalavinnslu. Mjög góð færni í mannlegum samskiptum og rík þjónustulund er nauðsynleg. Mikilvægt er að tilvonandi verkefnisstjóri búi yfir frumkvæði, metnaði og geti unnið sjálfstætt. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Upphafsdagur ráðningar er samkvæmt samkomulagi. 

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig
geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt innan Háskólans í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands er í hópi 300 bestu háskóla heims samkvæmt nýjum matslista Times Higher Education.

Starfshlutfall er 100%
Umsóknarfrestur er til og með 06.05.2019

Nánari upplýsingar veitir
Kristín Harðardóttir - [email protected] - 525 4165
Lára Rún Sigurvinsdóttir - [email protected] - 525 5905


Háskóli Íslands
Menntavísindasvið stjórnsýsla
Stakkahlíð
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira