Hoppa yfir valmynd
SumarstörfHöfuðborgarsvæðið201904/765Heilsugæsla höfuðborgarsvæðisins

Hjúkrunarfræðingar - sumarafleysingar í heimahjúkrun

Hjúkrunarfræðingar - sumarafleysingar í heimahjúkrun

Heilsugæsla höfuðborgarsvæðisins leitar eftir hjúkrunarfræðingum í sumarstörf við heimahjúkrun. Heimahjúkrun Heilsugæslu höfuðborgarsvæðisins sinnir heimahjúkrun í Kópavogi, Garðabæ og Hafnarfirði og er með aðsetur að Hlíðarsmára 17. Um er að ræða tímabundið starf í vaktavinnu morgun, kvöld og helgar. Viðkomandi þarf að geta hafið störf 1.júní eða eftir nánara samkomulagi.

Hlutverk heimahjúkrunar er að veita einstaklingsmiðaða hjúkrun þar sem forvarnir, heilsuvernd, heilsuefling, fagleg þekking og samstarf er höfð að leiðarljósi. Einstaklingshæfð heimahjúkrun er sérsniðin að þörfum hvers og eins. 

Helstu verkefni og ábyrgð
Starfssvið hjúkrunarfræðings í heimahjúkrun er að veita víðtæka hjúkrun í heimahúsum vegna langvinnra sjúkdóma, andlegrar og líkamlegrar skerðingar. Hjúkrunarfræðingur styður við einstaklinga og aðstandendur þeirra ásamt því að skipuleggja og veita þá hjúkrun sem þörf er á hverju sinni. Er einnig í samskiptum og samvinnu við aðrar sjúkrastofnanir og heilbrigðisstéttir með hagsmuni skjólstæðings að leiðarljósi.

Hæfnikröfur
- Íslenskt hjúkrunarleyfi
- Fjölbreytt reynsla af hjúkrun er æskileg
- Faglegur metnaður og áhugi á teymisvinnu
- Mikil samskiptahæfni og rík þjónustulund
- Sjálfstæði í starfi
- Góð almenn tölvuþekking og færni í töluðu og rituðu íslensku máli 
- Gilt ökuleyfi
- Hreint sakavottorð
- Góð íslenskukunnátta er skilyrði

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Stéttarfélag er Félag íslenskra hjúkrunarfræðinga. 

Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. 
Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. 

Starfshlutfall er 80 - 100%
Umsóknarfrestur er til og með 30.04.2019

Nánari upplýsingar veitir
Sigrún Kristín Barkardóttir - [email protected] - 513 6900
Hildur Sigurjónsdóttir - [email protected] - 513 6900

Heilsugæsla höfuðborgarsvæðisins
Heimahjúkrun á Suðursvæði, hjúkrun
Hlíðasmára 17
201 Kópavogur


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira