Hoppa yfir valmynd
SkrifstofustörfVesturland201904/812Sýslumaðurinn á Vesturlandi

Skrifstofumaður - Akranes


Laust starf skrifstofumanns

Embætti Sýslumannsins á Vesturlandi auglýsir laust til umsóknar starf skrifstofumanns á skrifstofu embættisins á Akranesi. Umsóknarfrestur er til 30. apríl n.k. og þarf starfsmaðurinn að hefja störf sem fyrst.

Starfið felst í að vinna öll almenn skrifstofustörf við embættið svo sem almenna afgreiðslu, skírteinaútgáfu, símaþjónustu, móttöku ýmissa gagna, skráningu, skjalavistun, veita almennar upplýsingar og sinna öðrum verkefnum sem starfsmanni verða falin. 

Starfið krefst lipurðar í samskiptum, nákvæmni í vinnubrögðum, sveigjanleika og frumkvæðis. Vegna eðlis starfsins er gerð krafa um þjónustulund, góða íslenskukunnáttu og góða hæfni í mannlegum samskiptum. 

Starfsstöð viðkomandi starfsmanns verður á skrifstofu embættisins að Stillholti 16-18, Akranesi. Starfshlutfall er 100% og vinnutími er frá 8:00 til 16:00. Æskilegt er að umsækjandi hafi lokið menntun sem nýtist í starfi, eða hafi reynslu af skrifstofustörfum og tölvuvinnslu. Launakjör eru í samræmi við kjarasamning fjármálaráðuneytisins við opinbera starfsmenn ( SFR).

Umsóknir skulu berast skriflega (engin eyðublöð) á skrifstofu embættisins að Stillholti 16-18, 300 Akranesi, eða á netfangið [email protected]. Upplýsingar um stöðuna veitir Daðey Þóra Ólafsdóttir sviðsstjóri þjónustusviðs í síma 458 2300.  
Öllum umsóknum verður svarað þegar ákvörðun um ráðningu liggur fyrir.

Akranesi, 4. apríl 2018

Ólafur K. Ólafsson
Sýslumaður á Vesturlandi

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira