Hoppa yfir valmynd
HeilbrigðisþjónustaNorðurland201904/814Heilbrigðisstofnun Norðurlands

Sálfræðingur - Akureyri

Heilbrigðisstofnun Norðurlands, sálfræðingur

Heilbrigðisstofnun Norðurlands (HSN), auglýsir til umsóknar 60-100% stöðu sálfræðings með starfsstöð á Akureyri. Leitað er að öflugum sálfræðingi sem er tilbúinn að taka þátt í starfi sálfræðingateymis HSN og vinna að frekari uppbyggingu sálfræðiþjónustu á svæðinu. Sálfræðingar HSN á Akureyri sinna einnig þjónustu á heilsugæslustöðvunum á Húsavík, Dalvík og Siglufirði auk þess sem stofnunin vinnur nú að innleiðingu búnaðar til að veita fjarþjónustu á öllum heilsugæslustöðvum stofnunarinnar. Einnig er gert ráð fyrir að viðkomandi starfi að hluta í geðheilsuteymi sem verið er að koma á fót fyrir Norðurland.

Helstu verkefni og ábyrgð
- Greining og meðferð algengustu geðraskana fullorðinna
- Frekari uppbygging gagnreyndra meðferðarúrræða
- Þátttaka í uppbyggingu geðheilsuteymis
- Þátttaka í innleiðingu geðheilbrigðisáætlunar 2016-2020

Hæfnikröfur
- Sálfræðingur með löggildingu og réttindi til starfa á Íslandi
- Greinagóð þekking á algengustu geðröskunum
- Reynsla af greiningu og meðferð algengustu geðraskana
- Reynsla af teymisvinnu 
- Þekking á gagnreyndum meðferðarúrræðum við geðröskunum
- Framúrskarandi samskiptahæfni og sveigjanleiki í starfi
- Frumkvæði, áhugi og metnaður til að ná árangri 
- Ökuleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.
Heilsugæslustöðin á Akureyri er ein stærsta heilsugæslustöð landsins og sinnir tæplega 22.000 íbúum á svæðinu. Í teymi sálfélagslegrar þjónustu við heilsugæsluna á Akureyri starfa nú fjórir sálfræðingar og einn iðjuþjálfi. Sálfræðingar úr teyminu sinna einnig þjónustu á þremur smærri heilsugæslustöðvum á Húsavík, Dalvík og Siglufirði.
Laun við HSN eru samkvæmt gildandi kjarasamningi sem fjármálaráðherra og Sálfræðingafélag Íslands hafa gert. Næsti yfirmaður er yfirsálfræðingur HSN. 

Tekið er á móti rafrænum umsóknum á heimasíðu stofnunarinnar www.hsn.is og einnig er hægt að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. HSN áskilur sér rétt til að hafna öllum umsóknum. Umsókn fylgi starfsferliskrá og upplýsingar um nám og fyrri störf. Umsækendur eru auk þess beðnir um að skila kynningarbréfi með rökstuðningi fyrir hæfi og sýn á starfið.

Tóbaksnotkun og notkun á rafsígarettum er ekki leyfð innan HSN.

Gildi HSN eru: Fagmennska - samvinna - virðing.

Starfshlutfall er 60 - 100%
Umsóknarfrestur er til og með 29.04.2019

Nánari upplýsingar veitir

Pétur Maack Þorsteinsson - [email protected] - 4324670
Bryndís Lilja Hallsdóttir - [email protected] - 4324050


HSN Akureyri
Hafnarstræti 99
600 Akureyri


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira