Hoppa yfir valmynd
HeilbrigðisþjónustaHöfuðborgarsvæðið201904/833Landspítali

Hjúkrunarfræðingur á bráðamóttöku geðsviðs

Hjúkrunarfræðingur á bráðamóttöku geðsviðs

Spennandi starf á bráðamóttöku geðsviðs við Hringbraut er laust til umsóknar. Á bráðamóttökunni ríkir góður starfsandi þar sem starfsemin einkennist af öflugri þverfaglegri teymisvinnu, sjálfsstæði í starfi, stöðugri þróun og fjölbreytni. Á deildinni eru ótalmörg tækifæri til að vaxa í starfi og dýpka þekkingu sína og færni sem hjúkrunarfræðingur. Markviss aðlögun og stuðningur í upphafi starfs.

Starfsemi bráðamóttöku geðdeildar er þríþætt, bráðamóttaka sjúklinga sem eiga við bráð alvarleg geðræn veikindi að stríða, skammtíma bráðaeftirfylgd eftir komu á bráðamóttöku og ráðgjafaþjónusta fyrir bráðamóttöku í Fossvogi. Á bráðamóttöku geðdeildar leita um 3.200 einstaklingar á ári hverju. 
Starfshlutfall er 80-100% og er að mestu um dagvinnu að ræða, helgarvakt u.þ.b. sjöttu hverja helgi og eina vakt frá kl. 12-20 á viku. Æskilegt að viðkomandi geti hafið störf sem fyrst eða eftir samkomulagi.

Helstu verkefni og ábyrgð
» Fjölbreytt mats- og meðferðarstarf sem tengist sérhæfingu deildarinnar
» Virk þátttaka í þverfaglegu samstarfi og framþróun í starfsemi deildarinnar
» Virk þátttaka í fræðslustarfi
» Sérverkefni sem tengjast starfi deildarinnar

Hæfnikröfur
» Faglegur metnaður og áhugi á geðhjúkrun
» Reynsla af geðhjúkrun er kostur
» Sjálfstæð og skipulögð vinnubrögð
» Góð samskiptahæfni og leiðtogahæfileikar 
» Stundvísi og áreiðanleiki
» Færni til að hafa góða yfirsýn
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt hjúkrunarleyfi. Öllum umsóknum verður svarað. 

Landspítali er lifandi og fjölmennur vinnustaður með um 6000 starfsmenn. Hann er aðalsjúkrahús landsins og miðstöð menntunar og rannsókna í heilbrigðisvísindum. Á Landspítala er lögð áhersla á öryggi, jafnrétti, ábyrgan rekstur, góðan starfsanda og bættan húsakost.

Starfshlutfall er 80 - 100%
Umsóknarfrestur er til og með 29.04.2019

Nánari upplýsingar veitir
Sylvía Ingibergsdóttir - [email protected] - 543 4268
Sigríður Edda Hafberg - [email protected] - 543 4453


Landspítali
Bráðaþjónusta geðsviðs
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira