Hoppa yfir valmynd
HeilbrigðisþjónustaHöfuðborgarsvæðið201904/834Landspítali

Hjúkrunarfræðingur/skurðhjúkrunarfræðingur, dagvinna á augnskurðstofum

Hjúkrunarfræðingur/ skurðhjúkrunarfræðingur, dagvinna á augnskurðstofum

Hjúkrunarfræðingur óskast til starfa á augnskurðstofur Landspítala við Eiríksgötu. Starfið er laust frá 1. júní 2019 eða eftir samkomulagi. Við leitum eftir jákvæðum, duglegum og metnaðarfullum hjúkrunarfræðingi sem er tilbúinn að leggja okkur lið. Í boði einstaklingsbundin þjálfun eftir þörfum hvers og eins á góðum vinnustað. Unnið er í dagvinnu frá kl. 07:30 til 15:30. 

Á augnskurðstofum Landspítala við Eiríksgötu eru árlega gerðar um 2.400 aðgerðir og helstu aðgerðir eru vegna skýs á augasteini og vegna gláku. Þar starfa 4 hjúkrunarfræðingar og 2 sjúkraliðar í nánu samstarfi við dag- og göngudeild augnlækninga sem staðsett er í sama húsi. 

Helstu verkefni og ábyrgð
» Starf í augnskurðaðgerðum s.s. undirbúningur fyrir aðgerð, aðstoð í aðgerð og frágangur eftir augnaðgerðir 
» Ákveða, skrá og veita hjúkrunarmeðferð í samráði við þarfir skjólstæðinga og bera ábyrgð á meðferð, samkvæmt starfslýsingu og vinnureglum deildar

Hæfnikröfur
» Íslenskt hjúkrunarleyfi
» Sérnám í skurðhjúkrun æskilegt en ekki skilyrði
» Faglegur metnaður 
» Sjálfstæði í störfum, skipulagshæfni og lausnamiðuð hugsun
» Sveigjanleiki og hæfni í mannlegum samskiptum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 29.04.2019

Nánari upplýsingar veitir
Helga Guðrún Hallgrímsdóttir - [email protected] - 824 0760
Elfa Hrönn Guðmundsdóttir - [email protected] - 691 7823


Landspítali
Skurðstofur H - rekstur
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira