Hoppa yfir valmynd
HeilbrigðisþjónustaNorðurland201904/830Heilbrigðisstofnun Norðurlands

Iðjuþjálfi í geðheilsuteymi

Heilbrigðisstofnun Norðurlands, Iðjuþjálfi í geðheilsuteymi

Heilbrigðisstofnun Norðurlands (HSN) auglýsir 100% stöðu iðjuþjálfa í geðheilsuteymi stofnunarinnar. Geðheilsuteymið er ný þjónusta sem ætlað er að sinna fullorðnu fólki með meðalþungar til alvarlegar geðraskanir á öllu starfssvæði HSN. Dagleg ábyrgð á rekstri teymisins er á hendi teymisstjóra sem jafnframt er næsti yfirmaður iðjuþjálfa. Mögulegt er að sinna starfinu frá hvaða megin starfstöð HSN sem er.

Helstu verkefni og ábyrgð
- Umsjón með og uppbygging iðjuþjálfunarhluta geðheilsuteymis
- Uppbygging gagnreyndra meðferðarúrræða
- Þátttaka í innleiðingu geðheilbrigðisáætlunar 2016-2020

Hæfnikröfur
- Fullgilt próf í iðjuþjálfun. Íslenskt starfsleyfi
- Reynsla af teymisvinnu æskileg
- Reynsla af vinnu með fólki með geðröskun æskileg
- Framúrskarandi samskiptahæfni og sveigjanleiki í starfi
- Frumkvæði, áhugi og metnaður til að ná árangri 
- Ökuleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.
Geðheilsuteymi HSN er nýtt meðferðartilboð sem stefnt er að að taki til starfa haustið 2019. Geðheilsuteymið er annars stigs þjónusta sem veitir sérhæfða þjónustu og meðferð vegna geðraskana án innlagna á sjúkrahús. Markhópar þjónustu teymisins eru þeir einstaklingar með geðraskanir sem þurfa meiri þjónustu en hægt er að veita í fyrstu línu heilsugæslunnar en þurfa ekki á þjónustu geðdeildar að halda.
Geðheilsuteymið sinnir öllu Norðurlandi og því má gera ráð fyrir að iðjuþjálfi í teyminu muni þurfa að ferðast um vegna vinnu sinnar. Þar sem því verður við komið verður fjarfundabúnaður notaður til samskipta.

Tekið er á móti rafrænum umsóknum á heimasíðu stofnunarinnar www.hsn.is og einnig er hægt að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. HSN áskilur sér rétt til að hafna öllum umsóknum. Umsókn fylgi starfsferliskrá og upplýsingar um nám og fyrri störf. Umsækendur eru auk þess beðnir um að skila kynningarbréfi með rökstuðningi fyrir hæfi og sýn á starfið.

Tóbaksnotkun og notkun á rafsígarettum er ekki leyfð innan HSN.

Gildi HSN eru: Fagmennska - samvinna - virðing.

Starfshlutfall er 100%
Umsóknarfrestur er til og með 30.04.2019

Nánari upplýsingar veitir
Pétur Maack Þorsteinsson - [email protected] - 4604670
Bryndís Lilja Hallsdóttir - [email protected] - 4324050


Akureyri
Hafnarstræti 99
600 Akureyri


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira