Hoppa yfir valmynd
Kennsla og rannsóknirNorðurland201904/843Verkmenntaskólinn á Akureyri

Áfangastjóri

Áfangastjóri 

Verkmenntaskólinn á Akureyri auglýsir stöðu áfangastjóra lausa til umsóknar. Um er að ræða 100% stöðu vegna afleysingar skólaárið 2019-2020. 
Um er að ræða áhugavert og fjölbreytt starf sem reynir á fagmennsku, forystu, skipulags- og samskiptahæfni.

Helstu verkefni og ábyrgð:
Skipuleggja, stjórna og hafa faglega umsjón með rekstri áfangakerfis Verkmenntaskólans á Akureyri.
Fylgjast með og sjá til þess að skipulag náms sé samkvæmt samþykktum brautarlýsingum skólans.
Skipuleggja og viðhalda gæðakerfi skólans.
Hafa umsjón með gerð stundatöflu. 
Annast gerð prófatöflu og sjá um prófstjórn.
Vinna með skólameistara og aðstoðarskólameistara að ýmsum málum sem snúa að stjórnun og rekstri skólans. 
Vinna eftir gildum skólans, lokamarkmiðum náms og skólabrag eins og kemur fram í skólanámskrá VMA.
Hafa umsjón með Innu.

Áfangastjórar skólans eru tveir og deila þeir með sér ábyrgð og verkefnum. 

Menntunar- og hæfnikröfur:
Háskólamenntun sem nýtist í starfi ásamt því að hafa kennsluréttindi. Viðkomandi þarf að hafa góða færni í íslensku og ensku, bæði í ræðu og riti. Gerð er krafa um góða tölvukunnáttu og færni í gagnavinnslu. Starfinu fylgja samskipti við nemendur, samstarfsfólk og aðila utan skólans. Það krefst lipurðar í mannlegum samskiptum, frumkvæðis og skipulagðra og sjálfstæðra vinnubragða. Áfangastjóri þarf að geta unnið sjálfstætt og eftir sýn, stefnu og markmiðum VMA. 

Umsókn skal fylgja: 
Náms- og starfsferilskrá
Staðfest afrit af kennsluréttindum og prófskírteinum
Kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.
Sakavottorð


Umsóknarfrestur er til og með 29. apríl 2019. Umsóknum skal skila til Sigríðar Huldar Jónsdóttur skólameistara í tölvupósti á netfangið [email protected] og er einungis tekið við umsóknum með þeim hætti. Ekki er notað staðlað umsóknareyðublað og ófullnægjandi umsóknir ekki teknar til greina. Öllum umsóknum verður svarað þegar ákvörðun um ráðningu hefur verið tekin. 

Nánari upplýsingar veitir skólameistari og aðstoðarskólameistari í síma 464-0300 eða með tölvupósti á netfangið [email protected] eða [email protected]. Sjá einnig upplýsingar um skólann á www.vma.is

Tekið skal fram að skv. 4. mgr. 8. gr. laga framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga og ber umsækjanda að skila inn sakavottorði.

Laun samkvæmt gildandi stofnanasamningi VMA og KÍ og kjarasamningi fjármálaráðherra og KÍ. Ráðið er í stöðuna frá 1. ágúst 2019. 

VMA stuðlar að jafnrétti kynjanna og hvetur konur jafnt sem karla til að sækja um laus störf. 

Einkunarorð skólans eru: Fagmennska - fjölbreytni – virðing.

Skólameistari

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira