Hoppa yfir valmynd
HeilbrigðisþjónustaNorðurland201904/835Heilbrigðisstofnun Norðurlands

Málastjóri í geðheilsuteymi

Heilbrigðisstofnun Norðurlands Akureyri, málastjóri í geðheilsuteymi

Heilbrigðisstofnun Norðurlands (HSN), auglýsir 100% stöðu málastjóra á Akureyri í geðheilsuteymi HSN. Um er að ræða starf í nýju meðferðar- og endurhæfingarteymi sem tekur til starfa haustið 2019. Hlutverk málastjóra er að hafa umsjón með meðferð skjólstæðinga teymisins og vera tengiliður við annað fagfólk í teyminu. Leitað er að geðhjúkrunarfræðingi, hjúkrunarfræðingi eða öðrum heilbrigðisstarfsmanni með reynslu og þekkingu sem nýtist í starfi málastjóra. Næsti yfirmaður er teymisstjóri geðheilsuteymis.

Helstu verkefni og ábyrgð
- Málastjórn og umsjón með málefnum skjólstæðinga teymis
- Utanumhald og eftirfylgd vegna meðferðaráætlana
- Samvinna við aðrar stofnanir
- Samvinna og upplýsingagjöf til heimilislæknis

Hæfnikröfur
- Heilbrigðismenntun sem nýtist í starfi
- Löggilding réttinda til að starfa á Íslandi
- Greinagóð þekking á algengustu geðröskunum
- Reynsla af teymisvinnu 
- Þekking á gagnreyndum meðferðarúrræðum við geðröskunum
- Framúrskarandi samskiptahæfni og sveigjanleiki í starfi
- Frumkvæði, áhugi og metnaður til að ná árangri 
- Ökuleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Geðheilsuteymi HSN er nýtt meðferðartilboð sem stefnt er að að taki til starfa haustið 2019. Geðheilsuteymið er annars stigs þjónusta sem veitir sérhæfða þjónustu og meðferð vegna geðraskana án innlagna á sjúkrahús. Markhópar þjónustu teymisins eru þeir einstaklingar með geðraskanir sem þurfa meiri þjónustu en hægt er að veita í fyrstu línu heilsugæslunnar en þurfa ekki á þjónustu geðdeildar að halda.
Geðheilsuteymið sinnir öllu Norðurlandi en málastjóri á Akureyri mun sinna skjólstæðingum sem eru búsettir við Eyjafjörð. 
Tekið er á móti rafrænum umsóknum á heimasíðu stofnunarinnar www.hsn.is og einnig er hægt að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. HSN áskilur sér rétt til að hafna öllum umsóknum. Umsókn fylgi starfsferliskrá og upplýsingar um nám og fyrri störf. Umsækendur eru auk þess beðnir um að skila kynningarbréfi með rökstuðningi fyrir hæfi og sýn á starfið.

Starfshlutfall er 100%
Umsóknarfrestur er til og með 30.04.2019

Nánari upplýsingar veitir
Pétur Maack Þorsteinsson - [email protected] - 4604670
Bryndís Lilja Hallsdóttir - [email protected] - 4324050

Akureyri
Hafnarstræti 99
600 Akureyri


Smelltu hér til að sækja um starfð
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira