Hoppa yfir valmynd
SérfræðistörfÁn staðsetningar201904/847Ferðamálastofa

Sérfræðingur á rannsóknasvið



Sérfræðingur á rannsóknasvið

Ferðamálastofa óskar eftir að ráða töluglöggan, sjálfstæðan og drífandi einstakling í greiningu og miðlun gagna sem tengjast íslenskri ferðaþjónustu. Um er að ræða nýtt og spennandi starf á rannsóknasviði Ferðamálastofu sem hefur það hlutverk að halda utan um opinbera gagnasöfnun og rannsóknir á ferðamálum. Um fullt starf er að ræða.  Staðan er auglýst án staðsetningar. 

Starfs- og ábyrgðarsvið:
Greining á fyrirliggjandi talnaefni, rannsóknaniðurstöðum og úrvinnslu gagna sem tengjast ferðamálum á Íslandi 
Spá um þróun byggt á fyrirliggjandi gögnum
Miðlun þekkingar og upplýsinga
Þátttaka í þróun rannsóknasviðs

Menntunar- og hæfniskröfur:
Háskólamenntun í viðskiptafræði, hagfræði, stærðfræði, tölfræði, verkfræði eða annarri menntun sem nýtist í starfi
Greiningarhæfni og næmni fyrir gildi gagna og rannsóknaniðurstaðna fyrir starfrækslu íslenskrar ferðaþjónustu
Þekking á starfsumhverfi ferðaþjónustunnar og/eða rekstri fyrirtækja æskileg
Reynsla af rannsóknastörfum, textaskrifum og upplýsingamiðlun æskileg
Góð tölvukunnátta og þekking á notkun hugbúnaðar 
Gott vald á íslensku og ensku
Færni í að vinna í teymum og að fjölbreyttum verkefnum
Skipulögð vinnubrögð, sjálfstæði og frumkvæði, góðir samskiptahæfileikar og þjónustulund. 

Bæði konur og karlar eru hvött til að sækja um starfið. Um launakjör fer samkvæmt kjarasamningi fjármála- og efnahagsráðuneytis við viðkomandi stéttarfélag.

Nánari upplýsingar um starfið veita Ari Eyberg ([email protected]) og  Thelma Kristín Kvaran ([email protected]intellecta.is) í síma 511 1225. Umsóknarfrestur er til og 6. mai 2019. Umsókn óskast fyllt út á www.intellecta.is og henni þarf að fylgja ítarleg starfsferilskrá og kynningarbréf.

Ferðamálastofa stuðlar að þróun ferðaþjónustu sem mikilvægrar og sjálfbærrar grunnstoðar í íslensku samfélagi. Auk þess vinnur Ferðamálastofa að samræmingu, greiningum og rannsóknum í ferðaþjónustu með hliðsjón af stefnu stjórnvalda. 

Eitt af hlutverkum Ferðamálastofu er að vinna að  gagnaöflun og rannsóknum  í ferðaþjónustu á Íslandi.  Verkefni í þessum flokki varða bæði talnagögn og landfræðilegar upplýsingar, sem auka þekkingu um ferðamenn og atvinnugreinina, bæta gæði, auka arðsemi, huga að þolmörkum og styrkja innviði greinarinnar. Þannig stuðlar Ferðamálastofa að því að niðurstöður séu nýttar við ákvarðanatöku í greininni, með skýrri framsetningu niðurstaðna og markvissri upplýsingagjöf.

Nánari upplýsingar um stofnunina má finna á www.ferdamalastofa.is

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira