Hoppa yfir valmynd
HeilbrigðisþjónustaHöfuðborgarsvæðið201904/823Landspítali

Verkefnastjóri/ hlutastarf á vísindadeild

Verkefnastjóri/ hlutastarf á vísindadeild Landspítala

Landspítali auglýsir laust til umsóknar starf verkefnastjóra á vísindadeild Landspítala. Starfshlutfall er 50% og er starfið laust frá 1. júní 2019 eða eftir nánara samkomulagi. Unnið er í dagvinnu. 

Meginhlutverk verkefnastjóra er að vinna með vísindaráði og efla vísindi og stoðþjónustu við vísindamenn á Landspítala. Vísindadeild tilheyrir sviði framkvæmdastjóra hjúkrunar- og lækninga. 
Landspítali er háskólasjúkrahús og gegnir veigamiklu hlutverki í því að afla nýrrar þekkingar í heilbrigðisvísindum. Þekkingarleit og þróun tækni eru forsendur framfara og þess að spítalinn geti veitt þjónustu í hæsta gæðaflokki. 

Helstu verkefni og ábyrgð
» Skipulag og aðstoð við störf vísindaráðs, m.a. mat á styrkumsóknum
» Hefur frumkvæði að og tekur þátt í verkefnum sem miða að því að efla vísindi og stoðþjónustu við vísindamenn á Landspítala
» Tekur þátt og vinnur kerfisbundið að því að auka samstarf og vísindaleg tengsl starfsfólks spítalans við aðra háskóla og stofnanir
» Hefur frumkvæði að og kemur að skipulagi funda og gerð kynningarefnis um vísindaleg málefni 
» Veitir ráðgjöf og fræðslu til fagfólks um vísindastarf og styrkumsóknir
» Tekur þátt í kynningarherferð sem miðar að því að kynna spítalann sem spennandi stað til að stunda vísindarannsóknir 
» Hefur umsjón með upplýsingum á vefsíðu Landspítala sem tengist vísindastarfsemi spítalans

Hæfnikröfur
» Nám í heilbrigðis- og/eða lífvísindum er kostur 
» Reynsla af rannsóknum er kostur 
» Hæfni og geta til að vinna sjálfstætt og í teymi 
» Reynsla af verkefnastjórnun æskileg
» Góð almenn tölvukunnátta 
» Góð íslensku- og enskukunnátta, bæði töluð og rituð
» Jákvætt viðmót og samskiptahæfileikar

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi ásamt gögnum um vísindavinnu og ritsmíðar. 
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50%
Umsóknarfrestur er til og með 13.05.2019

Nánari upplýsingar veitir
Magnús Gottfreðsson - [email protected] - 5431000
Eyrún Steinsson - [email protected] - 543 1465


Landspítali
Vísindadeild
Rauðarárstíg 10
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira