Hoppa yfir valmynd
Önnur störfVesturland201904/863Fjölbrautaskóli Vesturlands

Umsjónarmaður fasteigna

 
Umsjónarmaður fasteigna – Fjölbrautaskóli Vesturlands

Fjölbrautaskóli Vesturlands Akranesi (FVA) óskar að ráða umsjónarmann fasteigna frá og með 1. ágúst 2019. Um 100% starfshlutfall er að ræða. Leitað er að kraftmiklum einstaklingi til að annast ábyrgðarmikið og fjölbreytt starf.

Starfssvið í samráði við skólameistara:
Annast daglegan rekstur húsnæðis FVA og hefur eftirlit með umgengni um það.
Hefur yfirumsjón með ræstingum.
Annast tilfallandi viðhald húseigna og húsbúnaðar. 
Hefur umsjón með og stýrir starfi byggingaverktaka á vegum FVA þegar við á.
Umsjón með viðhaldi í samræmi við skipulags- og framkvæmdaáætlun Ríkiskaupa.
Aðstoðar og leggur fram tillögur við gerð rekstrar-, viðhalds- og  markmiðsáætlana FVA um allt er lýtur að húsnæði skólans.
Ber ábyrgð á og hefur umsjón með heildarvöktun húsnæðisins og er tengiliður skólans við öryggismiðstöðvar. 
Annast innkaup á vörum og þjónustu sem falla undir rekstur húsnæðis FVA.
Gerir verðkannanir og tryggir þannig að innkaup séu ávallt sem hagstæðust miðað við kröfur um gæði.
Er tengiliður FVA við Ríkiseignir og Ríkiskaup og annast undirbúning og framkvæmd útboða. Tryggir að starfað sé innan rammasamnings Ríkiskaupa.

Menntunar- og hæfniskröfur: 
Iðnmeistarapróf og fagþekking á sviði bygginga- og mannvirkjagreina.
Viðkomandi þarf að búa yfir mikilli samskiptahæfni og vera reiðubúinn til að annast þau verkefni sem honum eru falin.
Æskilegt er að viðkomandi hafi reynslu af verkstjórn, innkaupum og öryggismálum.
Framtakssemi, löngun til að takast á við síbreytileg verkefni, námkvæm og sjálfstæð vinnubrögð, frumkvæði í starfi og vera fylgin(n) sér.
Góð tölvukunnátta.

Ráðning og kjör:
Laun eru samkvæmt gildandi kjarasamningi SFR og fjármálaráðherra og stofnanasamningi skólans. Ekki þarf að sækja um á sérstöku umsóknareyðublaði en í umsókn þarf að greina frá menntun, fyrri störfum og öðru því sem umsækjandi telur að máli skipti. 

Umsóknir ásamt fylgigögnum sendist í tölvupósti til Ágústu Elínar Ingþórsdóttur, skólameistara, [email protected], fyrir 10. maí 2019. Öllum umsóknum verður svarað þegar ákvörðun um ráðningu hefur verið tekin. 

Jafnt konur og karlar eru hvött til að sækja um starfið.

Á heimasíðu skólans, www.fva.is, eru upplýsingar um skólann og starfsemi hans.


Skólameistari

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira