Hoppa yfir valmynd
HeilbrigðisþjónustaHöfuðborgarsvæðið201905/968Landspítali

Aðstoðardeildarstjóri á gjörgæsludeild Fossvogi

Aðstoðardeildarstjóri á gjörgæsludeild Fossvogi

Við leitum eftir metnaðarfullum og framfarasinnuðum hjúkrunarfræðingi með afburða samskiptahæfni í starf aðstoðardeildarstjóra á gjörgæsludeildina í Fossvogi. Starfið er laust frá 1. júní 2019 eða eftir samkomulagi og ráðningin er til tveggja ára. Unnið er í vaktavinnu en gert er ráð fyrir að aðstoðardeildarstjóri sé í a.m.k. 60% dagvinnu. 

Deildin þjónar einstaklingum sem þarfnast gjörgæslumeðferðar af margvíslegum ástæðum. Þar er veitt almenn gjörgæslumeðferð ásamt mjög sérhæfðri meðferð sjúklinga með fjöláverka eftir alvarleg slys, höfuðáverka, brunasjúklinga og einstaklinga með alvarlega æðasjúkdóma.

Deildin heyrir undir aðgerðasvið og þar starfar 90 manna hópur hjúkrunarfræðinga, sjúkraliða, skrifstofumanna auk sérhæfðra starfsmanna og felur starfið í sér mikla teymisvinnu þar sem unnið er í góðu samstarfi við fjölmargt fagfólk spítalans. Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð
» Starfar í nánu samstarfi við deildarstjóra og aðra stjórnendur
» Skipuleggur starfsemi deildarinnar í samráði við deildarstjóra og aðra stjórnendur og ber ábyrgð á rekstri og mönnun deildarinnar í fjarveru þeirra
» Sérstök ábyrgð á tileknum verkefnum sem viðkomandi er falið
» Er leiðandi í umbótastarfi og framþróun hjúkrunar á deildinni

Hæfnikröfur
» Íslenskt hjúkrunarleyfi
» Tveggja ára starfsreynsla á gjörgæsludeild
» Sérnám í gjörgæsluhjúkrun er kostur
» Afburða lipurð, sveigjanleiki og hæfni í mannlegum samskiptum
» Áhugi á verkefnastjórnun, umbóta- og gæðastarfi
» Leiðtogahæfni og áhugi á stjórnun

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Viðtöl verða höfð við umsækjendur og byggist ákvörðun um ráðningu í starfið einnig á þeim. Öllum umsóknum verður.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 90 - 100%
Umsóknarfrestur er til og með 27.05.2019

Nánari upplýsingar veitir
Ólöf Sveinbjörg Sigurðardóttir - [email protected] - 543 7653
Elfa Hrönn Guðmundsdóttir - [email protected] - 543 7254


Landspítali
Gjörgæsla F
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira