Hoppa yfir valmynd
SérfræðistörfHöfuðborgarsvæðið201905/965Umhverfisstofnun

Sérfræðingur í eflingu hringrásarhagkerfisins

Vilt þú vera sérfræðingur í hringrásarhagkerfinu?

Umhverfisstofnun leitar að sérfræðingi til að vinna að eflingu hringsrásarhagkerfisins og öðrum málum sem tengjast neyslu og nýtingu auðlinda í öflugu teymi sérfræðinga þar sem lögð er áhersla á þverfaglega teymisvinnu. 

Helstu verkefni og ábyrgð
Starfssvið sérfræðingsins felst í að vinna að verkefnum sem stuðla að vitundarvakningu um grænan lífsstíl, fjölgun Svansleyfishafa á Íslandi, aukningu úrgangsforvarna og framförum við meðhöndlun úrgangs. Starfið felur jafnframt í sér ýmis önnur verkefni, s.s. öflun og úrvinnslu gagna um magn úrgangs ásamt gagnaskilum til alþjóðastofnana, úttektir og vottun fyrir umhverfismerkið Svaninn, afgreiðslu stjórnsýsluerinda og alþjóðlegt samstarf. Sérfræðingurinn mun einnig taka þátt í öðrum verkefnum teymis græns samfélags. Mikilvægur hluti starfsins er fræðsla og miðlun upplýsinga til almennings og samskipti við fyrirtæki og opinbera aðila. 

Hæfnikröfur
Gerð er krafa um meistarapróf í umhverfis- og auðlindafræðum, verkfræði, raunvísindum, svo sem efnafræði, eða sambærilegum greinum og þarf umsækjandi að vera talnaglöggur og lausnamiðaður. Viðkomandi þarf að hafa mikinn áhuga á umhverfismálum, eiga auðvelt með að miðla upplýsingum og sýna frumkvæði. Gerð er krafa um mikla færni í íslensku, skandínavísku tungumáli og ensku, töluðu og rituðu máli. Að auki verða eftirfarandi kröfur hafðar að leiðarljósi við val á starfsmanni:
- Þekking og reynsla af úrgangsmálum
- Þekking og reynsla af miðlun til almennings
- Reynsla af opinberri stjórnsýslu
- Sjálfstæð og skipulögð vinnubrögð
- Góð samstarfshæfni, jákvæðni og sveigjanleiki í samskiptum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Næsti yfirmaður sérfræðingsins er Elva Rakel Jónsdóttir, sviðsstjóri.

Bæði konur og karlar eru hvött til að sækja um starfið. 

Æskilegt er að sérfræðingurinn geti hafið störf sem fyrst. 

Föst starfsaðstaða getur verið í Reykjavík, Hellissandi, Patreksfirði, Ísafirði, Akureyri, Mývatni, Egilsstöðum, Hellu eða Vestmannaeyjum; allt eftir búsetu umsækjenda. 

Gert er ráð fyrir að gagnkvæmur reynslutími sé sex mánuðir við ráðningu.

Starfshlutfall er 100%
Umsóknarfrestur er til og með 27.05.2019

Nánari upplýsingar veitir
Elva Rakel Jónsdóttir - [email protected] - 591 2000
Guðmundur Bjarki Ingvarsson - [email protected] - 591 2000


Umhverfisstofnun
Svið loftslagsmála og græns samfélags Teymi græns samfélags
Suðurlandsbraut 24
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira